رەسمي دەرەكتەرگە سۇيەنسەك, ماۋسىم-تامىز ارالىعىندا بۋرابايعا 450 مىڭنان استام قوناق ساپارلاعان. بۇل ستاتيستيكانى بىلتىرمەن سالىستىرساق, 20 مىڭعا ارتىق. «بۋراباي» مەملەكەتتىك ۇلتتىق تابيعي پاركىنىڭ ديرەكتسياسى حابارلاعانداي, جىل باسىنان بەرى ۇلتتىق پارك 650 مىڭنان استام قوناق قابىلداعان. ال بىلتىرعى وسى مەزگىلدەگى كورسەتكىش – 550,7 مىڭ ادام. بۇل ۇلتتىق پارككە تۋريستەردى تارتۋ باعىتىندا ىسكە اسىپ جاتقان جۇمىستىڭ جەمىسى. ويتكەنى بۋراباي بۇگىندە ەلىشىلىك قانا ەمەس, حالىقارالىق دەڭگەيدەگى سپورتتىق ءىس-شارالار وتەتىن ورىنعا اينالىپ كەلەدى. ول بۋرابايدى تانىتىپ, تۋريستەردى تارتۋعا ىقپال ەتەدى. مىسالى, بيىل «X-Waters Kazakhstan 2024», «Aqbura Bay trail 2024» سىندى سپورتتىق ءىس-شارالارعا مىڭداعان ادام كەلگەن.
«ينفراقۇرىلىمدى دامىتىپ, ەكسكۋرسيالىق باعدارلامالاردى كەڭەيتە بەرسەك, بۇل قادامىمىز ەلدەگى عانا ەمەس, شەتەلدەن كەلگەن قوناقتاردى دا قىزىقتىرادى. تۋريستىك ماۋسىمدا قوناقتاردىڭ كوپ كەلۋىنە ىقپالداسادى. جازدا پارككە 8 مىڭنان استام شەتەلدىك تۋريست كەلدى. قوناقتاردىڭ گەوگرافياسى جونىندە توپ-5 ەلدىڭ قاتارىندا رەسەي, وزبەكستان, تۇرىكمەنستان, گەرمانيا, قىتاي بار. اقش ازاماتتارى دا قىزىعۋشىلىق تانىتىپ وتىر», دەدى «بۋراباي» مۇتپ ديرەكتورىنىڭ دامۋ جونىندەگى ورىنباسارى ۆەنەرا نۇعىمانوۆا.
«بۋراباي» مەملەكەتتىك ۇلتتىق تابيعي پاركى ەكولوگيالىق ءتۋريزمدى دامىتۋعا ەرەكشە نازار اۋدارىپ كەلەدى. ۇلتتىق پارك باسشىلىعى ءتۋريزمنىڭ وسى باعىتىن دامىتۋ ماقساتىندا قانداي قادامعا بارۋ كەرەگىن جاقسى بىلەدى. وسى تۇرعىدا الداعى ۋاقىتتا بۋرابايدىڭ اجارى كىرە تۇسەدى دەگەنگە سەنىم مول. بۇگىننىڭ وزىندە اۋماقتىڭ تابيعاتىمەن جاقىنىراق تانىسۋعا كومەكتەسەتىن ەكولوگيالىق سوقپاقتار مەن تۋريستىك مارشرۋتتار ارقىلى جازدا 9 مىڭنان استام ادام ءجۇرىپ وتكەن. جازعى ماۋسىمنىڭ قورىتىندىسىنان «بۋراباي» ۇلتتىق پاركى ىشكى ءتۋريزمنىڭ جەتەكشى باعىتتارىنىڭ ءبىرى رەتىندەگى پوزيتسياسىن نىعايتا تۇسكەنى انىق بايقالادى.
