بۇل – سىناق رەتىندە قولعا الىنعان جوبا. وعان كيونگيدو پروۆينتسياسىنداعى 50 كومپانيا قاتىسادى. جۇمىس اپتاسى قىسقارعاندا, جاستاردىڭ وتباسىنا كوڭىل بولۋگە ۋاقىتى كوبەيۋگە ءتيىس. قازىر اتالعان مەملەكەتتە دەموگرافيالىق داعدارىس ۋشىعىپ بارادى. بالا تۋ كورسەتكىشى تومەندەپ كەتكەن. جاستار مانساپ قۋىپ, ءسابيلى بولۋعا اسىقپايدى. وسىعان بايلانىستى بيلىك وتباسىن قۇرۋعا ىنتالاندىراتىن ارنايى باعدارلامالاردى قولعا الىپ جاتىر. ءتىپتى جالعىزباستى جاندارعا كەزدەسۋ ۇيىمداستىرادى. ەگەر قارىم-قاتىناسىن جالعاستىراتىن بولسا, ولارعا اقشا تولەيدى. بۇدان بولەك, باسپانا ساتىپ الۋ, ءۇي جالداپ تۇرۋعا دا قارجىلاي كومەك بار.
استاناداعى ديسنەيلەند
ەلوردادا «جىبەك جولى» دەپ اتالاتىن اۋقىمدى ءارى تارتىمدى ويىن-ساۋىق كەشەنى سالىنباق.
جاڭا جوباعا 10 ملرد دوللار كولەمىندە ينۆەستيتسيا تارتىلادى. ال اۋدانى 400 گەكتاردان اسادى دەپ جوسپارلانىپ وتىر. «استانا قالاسى اكىمدىگىنىڭ Astana Invest كەڭسەسىندە باسقارما توراعاسىنىڭ ورىنباسارى ورىنبەك قۋانىش «Ulkenbay» كومپانياسىنىڭ وكىلدەرىمەن كەزدەستى. جيىندا شانحاي قالاسىنداعى ديسنەيلەندكە ۇقسايتىن اتتراكتسيوندار پاركىنىڭ قۇرىلىسى بويىنشا اۋقىمدى جوبا تالقىلاندى. «جىبەك جولى» دەپ اتالاتىن ويىن-ساۋىق كەشەنى قازاقستان مەن قىتاي مادەني ەرەكشەلىكتەرىن ۇيلەستىرەتىن بولادى», دەلىنگەن «استانا ارحيتەكتۋرا» پاراقشاسىندا.
جۇمباق دىبىس انىقتالدى
تەڭىز تولقىندارى كوپتەگەن جۇمباققا تولى, سونىڭ ىشىندە «بيوتۆانگ» اتتى مەحانيكالىق سيپاتتاعى ەرەكشە دىبىس عالىمداردى ۇزاق ۋاقىت قىزىقتىرعان قۇبىلىس بولدى.
بۇل ەرەكشە دىبىس 2014 جىلى تىنىق مۇحيتىنىڭ باتىس بولىگىندە تىركەلدى. سودان بەرى ونىڭ قايدان, قالاي شىعاتىنى بەيمالىم بولىپ كەلگەن ەدى.
جاقىندا عانا امەريكا عالىمدارى ماريانا شۇڭعىماسىنداعى سول ءبىر تىلسىم دىبىس كيتتىڭ داۋىسى ەكەنىن انىقتادى. ايتا كەتەيىك, زەرتتەۋشىلەر وسى شەشىمدى جاساندى ينتەللەكتىنىڭ كومەگى ارقىلى تاپقان.
