فوتو: GOV.KZ
ەرتىس-بايان ءوڭىرىنىڭ پوليتسيا قىزمەتكەرلەرى قازاقستان رەسپۋبليكاسى ازاماتىنىڭ جەكە باسىن كۋالاندىراتىن قۇجاتتاردى ۋاقىتىلى الماعان جانە 18 جاسقا تولعان كەزدە قاجەتتى قۇجاتتاردى راسىمدەمەگەن تۇلعالاردى انىقتاعان. ءتىپتى ولاردىڭ كەيبىرەۋلەرى كەڭەستىك تولقۇجاتپەن جۇرگەنى بەلگىلى بولدى.
«جىل باسىنان كسرو ۇلگىسىندەگى ەسكى تولقۇجاتپەن جۇرگەن 12 پاۆلودارلىق انىقتالدى. بۇعان قوسا 18 جاسقا تولسا دا جەكە كۋالىك رەسىمدەمەگەن 20 ازامات, سونداي-اق ازاماتتىعى جوق, بىراق كۋالىك رەسىمدەمەگەن 8 تۇرعىن انىقتالدى. ولاردىڭ بارلىعىنا ءتيىستى قۇجاتتارى جاسالدى. قۇجاتى جوق ادامداردىڭ دەنى تمد-داعى وزگە مەملەكەتتەردەن كەلگەندەر, ولار سول ەلدىڭ جارامدىلىق مەرزىمى وتكەن تولقۇجاتىمەن جۇرگەن. كوبى كسرو-نىڭ بۇرىنعى وداقتاس مەملەكەتتەرىنەن كامەلەت جاسىنا تولماي تۇرىپ قازاقستانعا كوشىپ كەلگەن», دەدى پاۆلودار وبلىسى پوليتسيا دەپارتامەنتى كوشى-قون قىزمەتىنىڭ باستىعى داۋلەت ىسقاقوۆ.
ءتيىستى قۇجاتى بولماعاندىقتان اتالعان ازاماتتار وسى ۋاقىتقا دەيىن ءتۇرلى الەۋمەتتىك تولەمدەردى الا الماي, مەملەكەتتىك قىزمەتتەردى الۋدان قيىندىق كورىپ كەلگەن.
