اتاپ ايتقاندا ەرلان قارين مەن ۇلتتىق قۇرىلتاي مۇشەلەرى وبلىستىق قوعامدىق كەڭەس وكىلدەرىمەن جۇزدەسىپ, ەلىمىزدە جانە وڭىردە پرەزيدەنتتىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى جولداۋىن جۇزەگە اسىرۋ ماسەلەسىن تالقىلادى.
سونىمەن قاتار باتىس قازاقستان وبلىسىنىڭ زيالى قاۋىم وكىلدەرىمەن – عالىمدارمەن, مادەنيەت جانە ونەر قايراتكەرلەرىمەن, جازۋشىلارمەن جانە قوعام بەلسەندىلەرىمەن كەزدەسۋ ءوتتى. باسقوسۋدا ەرلان قارين ۇلتتىق قۇرىلتايدىڭ ءبىلىم بەرۋ, عىلىم جانە مادەنيەت سالالارىنداعى جالپىۇلتتىق جوبالارى تۋرالى ايتتى.
مەملەكەتتىك كەڭەسشى مەكتەپ ديرەكتورلارىمەن وتكەن جيىندا بيىلعى وقۋ جىلىنان باستاپ قولعا الىنعان ء«بىرتۇتاس تاربيە» اتتى جاڭا باعدارلامانى تالقىلادى. سونداي-اق ەرلان قارين بالالاردى زورلىق-زومبىلىقتان قورعاۋ, ءسۋيتسيدتىڭ الدىن الۋ جانە ولاردىڭ قۇقىقتارى مەن سالاماتتىعىن قامتاماسىز ەتۋ جونىندەگى 2023-2025 جىلدارعا ارنالعان كەشەندى جوسپاردى جۇزەگە اسىرۋ اياسىندا بيىل شىلدە ايىندا اشىلعان پسيحولوگيالىق قولداۋ كورسەتۋدىڭ وبلىستىق ادىستەمەلىك ورتالىعىنىڭ جۇمىسىمەن تانىستى.
بۇدان بولەك, ۇلتتىق قۇرىلتاي مۇشەلەرى ادۆوكات ايمان وماروۆا مەن زاڭگەر اينۇر ءسابيتوۆا تۇرمىستىق زورلىق-زومبىلىق قۇرباندارىنا ارنالعان داعدارىس ورتالىعىنا باردى. وندا ازاماتتىق قوعام بەلسەندىلەرى ايەلدەردىڭ قۇقىقتارىن قورعاۋدى جانە بالالاردىڭ قاۋىپسىزدىگىن قامتاماسىز ەتۋدى كوزدەيتىن زاڭ اياسىنداعى شارالاردى جۇزەگە اسىرۋ ماسەلەلەرى جونىندە پىكىر الماستى.
سونداي-اق ساپار بارىسىندا مەملەكەتتىك كەڭەسشى وبلىس اكىمى ناريمان تورەعاليەۆتىڭ, قالا جانە اۋدان اكىمدەرىنىڭ, مەملەكەتتىك ورگاندار باسشىلارىنىڭ قاتىسۋىمەن ىشكى ساياسات ماسەلەلەرىنە قاتىستى جينالىس وتكىزدى. جيىنعا قاتىسۋشىلار ازاماتتىق قوعامدى دامىتۋ, ەل بىرلىگىن نىعايتۋ, ونوماستيكالىق جۇمىستى ۇيلەستىرۋ, جاستاردى قولداۋ سىندى يدەولوگيالىق جۇمىستىڭ باسقا دا ماڭىزدى باعىتتارىنا قاتىستى پرەزيدەنت باستامالارىنىڭ جۇزەگە اسىرىلۋ بارىسىن جانە ونىڭ ارالىق قورىتىندىلارىن تالقىلادى.
وڭىرلەردەگى مۇنداي كەزدەسۋلەردىڭ ماقساتى – جۇرتشىلىقپەن ديالوگتى نىعايتۋ جانە ۇلتتىق قۇرىلتايدىڭ قىزمەتى اياسىندا جاڭا باستامالار مەن ۇسىنىستار ازىرلەۋ.
