رۋحاني ءىس-شارا مادەنيەت باسقارماسىنىڭ باستاماسىمەن, پۋشكين اتىنداعى وبلىستىق كىتاپحانانىڭ ۇيىمداستىرۋىمەن جۇزەگە استى. مەرەكەگە قالاداعى باسقا دا كىتاپحانالار, مۇراجايلار, تەاتر, كىتاپ دۇكەندەرى, ءبىلىم ۇيىمدارى قولداۋ كورسەتتى. فەستيۆال وڭىردە كىتاپ وقۋ مادەنيەتىن دامىتۋعا باعىتتالعان ماڭىزدى قادام بولدى.
كىتاپ فەستيۆالىندە مەرەكە قوناقتارى «شابىت» جاستار تەاترىنىڭ تەبىرەنىسكە تولى قويىلىمىن تاماشالاپ, جازۋشى ءجادي شاكەن ۇلى مەن گەنادي پۋسسەپتىڭ جاڭا شىعارمالارىنىڭ, سونداي-اق, وبلىستىق اۋقىمدى ادەبي جوبا – «اباي الەمى» كىتاپتار توپتاماسىنىڭ» 2024 جىلعى جاڭا شىعارىلىمىنىڭ تۇساۋكەسەرىنە قاتىستى. 2018-2024 جىلدار ارالىعىندا «اباي الەمى» كىتاپتار توپتاماسىمەن بارلىعى 76 389 دانا 110 كىتاپ جارىق كوردى. بيىل 12 اۆتوردىڭ شىعارماسى مەن ءۇش جيناق, ياعني 15 كىتاپ وقىرمانعا جول تارتتى.
ءتۇرلى تاقىرىپتىق لوكاتسيالار بارلىق جاستاعى كەلۋشىلەرگە مەرەكەلىك كوڭىل كۇي سىيلادى. وقىرماندارعا مازمۇنى مەن فورماسى الۋان ءتۇرلى كىتاپ كورمەلەرى مەن ينستاللياتسيالار ۇسىنىلدى. وبلىستىق مۋزەيلەر قورىنداعى جەرلەس جازۋشىلاردىڭ جەكە زاتتارىنىڭ كورمەسى, جەرلەس جازۋشىلار شىعارمالارىنىڭ «QR» كورمەسى, جاساندى ينتەللەكت مۇمكىندىكتەرى پايدالانىلعان «شىعىس قازاقستاننىڭ اڭىز-ءاپسانالارى» بالالار سۋرەتتەرىنىڭ ينتەراكتيۆتى كورمەسى كوپشىلىكتىڭ نازارىن اۋداردى.
رۋحاني ءىس-شارا بيىل 100 جىلدىق مەرەيتويى تويلانىپ جاتقان بەردىبەك سوقپاقباەۆتىڭ «مەنىڭ اتىم – قوجا» پوۆەسى جەلىسىمەن تۇسىرىلگەن ءفيلمدى تاماشالاۋمەن اياقتالدى.
وسكەمەن
