پاۆلودار وبلىسىنىڭ ەنەرگەتيكتەرى اەس سالۋدى قولدايدى

«Amanat» پارتياسىنىڭ ءباسپاسوز قىزمەتىنەن ءمالىم ەتىلگەندەي, قازىردىڭ وزىندە قازاقستان جىل سايىن شامامەن 4-5 ملرد كۆت/ساع ەلەكتر ەنەرگيا يمپورتتايدى. نەگىزىنەن, اتالعان ەلەكتر قۋاتى ەلىمىزدىڭ سولتۇستىك وڭىرىنەن وڭتۇستىك وڭىرگە جونەلتىلەدى. اتالعان ايماقتاردا ەنەرگيا تاپشىلىعى بايقالادى.

 
«رەفەرەندۋمنىڭ ماڭىزى مەن مىندەتتەرىن جان-جاقتى ءتۇسىندىرۋ ءۇشىن حالىق شتابى قۇرىلدى. ونىڭ قۇرامىندا دەپۋتاتتار, پارتيالار مەن ءتۇرلى ۇيىمدار جانە ەل ەرتەڭىنە بەي-جاي قارامايتىن بەلسەندى ازاماتتار بار. قازىرگى ۋاقىتتا ەلىمىزدە جۇمىس ىستەپ تۇرعان كومىر ستانسالارىنىڭ توزۋ دەڭگەيى شامامەن 70 پايىزعا جەتتى. ەلىمىزدەگى باي تابيعي رەسۋرستاردىڭ كوبى قايتا قالپىنا كەلمەيتىن رەسۋرستار ەكەنىن ەسكەرۋىمىز كەرەك. سوندىقتان ەرتەڭگى كۇنگە دەگەن سەنىمدى ارتتىراتىن تۇراقتى جانە قاۋىپسىز ەنەرگيا كوزى قاجەت. بۇل رەتتە ءدال وسى اەس ۇزاق جىلدار بويى ەنەرگيامەن قامتاماسىز ەتەتىن الەۋەتكە يە», دەدى ماۋلەن اشىمباەۆ.

ءوز كەزەگىندە, قازاقستان ازاماتتىق اليانسىنىڭ پرەزيدەنتى بانۋ نۇرعازيەۆا اقش, قىتاي, فرانتسيا سياقتى دامىعان ەلدەر بەيبىت اتومنىڭ ەنەرگياسىن بەلسەندى پايدالاناتىنىن ايتا كەلە, ۋران قورى بويىنشا 2-ءشى جانە ونى ءوندىرۋ ىسىندە 1-ءشى ورىندا تۇرعان قازاقستان دا اتوم ەنەرگەتيكاسىن دامىتۋعا ءتيىس ەكەنىن اتاپ ءوتتى.

كومپانيا قىزمەتكەرلەرى اتوم ەنەرگەتيكاسى تۇراقتى ەنەرگيامەن قامتاماسىز ەتۋگە جانە ەل ەكونوميكاسىنىڭ وسۋىنە جاعداي جاساۋعا قابىلەتتى جالعىز شەشىم ەكەنىن اتاپ ءوتتى.