فوتو: freepik.com
«نەگىزگى وزگەرىس 2026 جىلعى 1 قاڭتاردان باستاپ وڭىرلىك تەكسەرۋ كوميسسيالارىن تاراتىپ, جوعارى اۋديتورلىق پالاتانىڭ اۋماقتىق دەپارتامەنتتەرىن قۇرۋ بولماق. بۇل مۇددەلەر قاقتىعىسىن بولدىرماۋعا مۇمكىندىك بەرەدى, سەبەبى بۇگىندە تەكسەرۋ كوميسسيالارى جەرگىلىكتى بيۋدجەتتەردەن قارجىلاندىرىلادى, ال بۇل جۇرگىزىلەتىن اۋديتتەردىڭ وبەكتيۆتىلىگىنە اسەر ەتۋى مۇمكىن», دەلىنگەن حابارلامادا.
ايتا كەتەيىك, بۇل رەتتە جەرگىلىكتى ءوزىن-ءوزى باسقارۋدىڭ ماڭىزدى ءرولى ساقتالىپ قالادى. ماسەلەن, ءماسليحات دەپۋتاتتارى جوعارى اۋديتورلىق پالاتانىڭ ءتيىستى اۋماقتىق دەپارتامەنتى باسشىلىعىنىڭ ەكى وكىلىن تاعايىنداي الادى. ولار سونداي-اق:
- جەرگىلىكتى بيۋدجەتتىڭ اتقارىلۋى جونىندەگى قورىتىندىنى جانە ءوڭىردىڭ وزەكتى پروبلەمالارى بويىنشا اۋديت قورىتىندىلارىن تىڭداۋعا;
- اۋديت جۇرگىزۋدىڭ جىل سايىنعى جوسپارىنا ءوز ۇسىنىستارىن ەنگىزۋگە قۇقىلى;
جالپى جوعارى اۋديتورلىق پالاتانىڭ وڭىرلىك دەپارتامەنتتەرىنىڭ ماسليحاتتارمەن ءوزارا ءىس-قيمىلىن بۇگىندە قولدانىلىپ جۇرگەن «جوعارى اۋديتورلىق پالاتا – پارلامەنت» مودەلى بويىنشا قۇرۋ جوسپارلانعان.
«مەملەكەت باسشىسى مەملەكەتتىك اۋديت جۇيەسىن رەفورمالاۋ تۋرالى باستاماعا قولداۋ ءبىلدىردى, بۇل ونىڭ تيىمدىلىگىن ەداۋىر ارتتىرۋعا مۇمكىندىك بەرەدى. رەفورمالار توپتاماسىن ىسكە اسىرۋ بارلىق ينستيتۋتسيونالدىق جانە ۇيىمداستىرۋشىلىق ماسەلەلەردى جان-جاقتى پىسىقتاۋدى تالاپ ەتەدى», دەپ اتاپ ءوتتى ءاليحان سمايىلوۆ.
سونداي-اق مەملەكەتتىك اۋديتور بىلىكتىلىگىن الۋعا ۇمىتكەر كانديداتتاردى بىرىڭعاي ەمتيحاننان وتكىزۋدى جوعارى اۋديتورلىق پالاتانىڭ قۇزىرەتىنە بەرۋ جوسپارلانىپ وتىر. بۇل ءوز كەزەگىندە مەملەكەتتىك اۋديت ورگاندارىنىڭ كادرلىق الەۋەتىن ارتتىرۋعا مۇمكىندىك بەرەدى.
جوعارى اۋديتورلىق پالاتانىڭ اپپارات باسشىسى قۇندىزبەك ءابدىراسىلوۆ بۇگىنگى تاڭدا 47 تارماقتان تۇراتىن جول كارتاسى ازىرلەنىپ, ىسكە اسىرىلىپ جاتقانىن, مەملەكەتتىك اۋديت رەفورماسىن ىسكە اسىرۋ جونىندەگى ناقتى ءىس-شارالار, ولاردى ورىنداۋ مەرزىمدەرى جانە جاۋاپتى ادامدار ايقىندالعانىن اتاپ ءوتتى.
