فوتو: visitaktobe.kz
ۆەدومستۆونىڭ حابارلاۋىنشا, شەتەلدىك تۋريستەر سانىنىڭ كوبەيۋىنە ىقپال ەتكەن نەگىزگى فاكتورلار – دۇنيەجۇزىلىك كوشپەلىلەر ويىندارى مەن تانىمال ءانشى ديماش قۇدايبەرگەننىڭ كونتسەرتى. اتالمىش ءىس-شارالارعا 89 مەملەكەتتىڭ ازاماتتارى كەلگەن.
«شەتەلدىك قوناقتار نەگىزىنەن قىتاي, رەسەي, ءۇندىستان جانە گەرمانيا سىندى مەملەكەتتەردەن كەلگەن. مىسالى, قىتايدان 8 مىڭنان استام, ءۇندىستاننان 6 مىڭنان استام, گەرمانيادان 4 مىڭنان استام ساياحاتشىنىڭ قازاقستانعا كەلۋى تىركەلگەن. البەتتە, بۇل دەرەكتەر قازاقستانعا تۋريستىك باعىت رەتىندە قىزىعۋشىلىقتىڭ ارتىپ كەلە جاتقانىن كورسەتەدى», دەدى تۋريزم جانە سپورت ۆيتسە-ءمينيسترى ەرجان ەركىنباەۆ.
ۆيتسە-ءمينيستردىڭ ايتۋىنشا, تۋريستەردىڭ ەداۋىر بولىگى گەرمانيا, وزبەكستان, تۇركيا, قىرعىزستان, اقش جانە وڭتۇستىك كورەيادان كەلگەن.
EQonaq جۇيەسى استانادا 12,4 مىڭعا جۋىق شەتەلدىكتى تىركەگەن. ولاردىڭ تۇرۋعا, كولىككە, تاماقتانۋعا جانە ويىن-ساۋىققا جۇمساعان جالپى شىعىندارى 15,5 ملن اقش دوللارىن نەمەسە 7,5 ملرد تەڭگەنى قۇراعان. الىس شەتەلدەن كەلگەن تۋريستەردىڭ ورتاشا شىعىنى 1 500 دوللاردىڭ شاماسىندا بولعان. دەمەك, دۇنيەجۇزىلىك كوشپەلىلەر ويىندارىنا كەلۋشىلەر ەل ەكونوميكاسىنا قوسىمشا 625 مىڭ اقش دوللارىن قوسقان.
ايتا كەتەرلىگى, ەلوردانىڭ تانىمال تۋريستىك نىساندارىنا 7-13 قىركۇيەك ارالىعىندا كەلۋشىلەر سانى ارتقان. قازاقستاننىڭ ۇلتتىق مۋزەيى 14 مىڭنان استام ادامدى قابىلداپ, «استانا-بايتەرەك» مونۋمەنتىنە 15 مىڭعا جۋىق تۋريست, ال «نۇر-الەم» پاۆيلونىنا 10 مىڭعا جۋىق ادام بارعان.
سونىمەن قاتار حالىقارالىق دەڭگەيدەگى مادەني-سپورتتىق دۇنيەجۇزىلىك كوشپەلىلەر ويىندارى قازاقستاننىڭ تۋريستىك ءيميدجىن نىعايتۋ ءۇشىن ەلەۋلى ۇلەس قوسقان. كوشپەلىلەر ويىندارىنىڭ ۇيىمداستىرۋ كوميتەتى مالىمدەگەندەي, ەتنواۋىلدار مەن ويىنداردى كورۋگە 250 مىڭنان استام ادام كەلگەن.
سونىمەن قاتار حالىقارالىق دەڭگەيدەگى مادەني-سپورتتىق دۇنيەجۇزىلىك كوشپەلىلەر ويىندارى قازاقستاننىڭ تۋريستىك ءيميدجىن نىعايتۋ ءۇشىن ەلەۋلى ۇلەس قوسقان. كوشپەلىلەر ويىندارىنىڭ ۇيىمداستىرۋ كوميتەتى مالىمدەگەندەي, ەتنواۋىلدار مەن ويىنداردى كورۋگە 250 مىڭنان استام ادام كەلگەن.
