فوتو: وكق
ونىڭ ايتۋىنشا, بيىل ەلەكتر ستانتسيالارىندا 10 ەنەرگوبلوك پەن 55 قازاندىقتى جانە 45 تۋربينانى كۇردەلى جوندەۋ جوسپارلانعان, ودان بولەك اعىمداعى جوندەۋ جۇمىستارى دا جۇرگىزىلەدى. اتالعان جۇمىستار اياقتالۋعا جاقىن.
«جىلىتۋ ماۋسىمىن باستاۋعا قازاندىقتار مەن تۋربينالار دايىن. مىسالى, پاۆلودار وبلىسىنىڭ الەۋمەتتىك نىساندارىنا جىلۋ بەرىلە باستادى. بۇل بارلىق قۇرال دايىن ەكەنىن بىلدىرەدى», دەدى سپيكەر.
جىلۋدى ەرەجەلەردە كورسەتىلگەن مەرزىمنەن ەرتەرەك قوسۋ مۇمكىن بە؟ سۇڭعات ەسىمحانوۆ بۇل سۇراققا دا جاۋاپ بەردى. ۆيتسە-ءمينيسترىنىڭ ايتۋىنشا, ارنايى ەرەجەلەر ازىرلەندى, وعان سايكەس ورتاشا تاۋلىكتىك تەمپەراتۋرا +8 گرادۋستان تومەن بولۋعا ءتيىس.
ءباسپاسوز كونفەرەنتسياسىندا سپيكەر: «جەرگىلىكتى اتقارۋشى ورگاندار وسى ەرەجەلەردى ۇستانادى. بىراق بۇل تەك ۇسىنىس قانا. ءاربىر جەرگىلىكتى اتقارۋشى ورگان جىلىتۋ كەزەڭىن ەرتەرەك باستاۋعا قۇقىلى. قايتالاپ ايتامىن, پاۆلودارداعى الەۋمەتتىك نىساندارعا ءبىر اپتا بۇرىن جىلۋ بەرىلە باستادى. قازىرگى كەزدە باسقا قالالاردا دا شەشىمدەر قابىلدانىپ جاتىر», دەدى.
