فوتو: اشىق دەرەككوز
قازاقستان تەننيس فەدەراتسياسىنىڭ ۆيتسە-پرەزيدەنتى دياس دوسقاراەۆ گولۋبەۆتىڭ قازاقستاندا تەننيستى دامىتۋ مەن تانىمال ەتۋدەگى زور ۇلەسىن اتاپ ءوتتى.
سالتاناتتى ءىس-شارادا سپورتشى فەدەراتسياعا, سپورتتاعى ارىپتەستەرىنە, وتباسىنا جانە بارشا جانكۇيەرلەرىنە ريزاشىلىعىن ءبىلدىردى.
«ەڭ الدىمەن, ەڭبەك جولىمدا مەنى قولداپ, سەنىم بىلدىرگەن وتباسىما, اتا-اناما العىس ايتقىم كەلەدى. مەن بارلىق جەڭىستەرىمدى قازاقستانعا اكەلگەنىمە وتە قۋانىشتىمىن جانە ماقتانامىن. مانساپ جولىمدا ماعان سەنىپ, قولداعان جانكۇيەرلەرىمە راحمەت», دەدى اندرەي گولۋبەۆ.
ايتا كەتەيىك, اندرەي ءوز مانسابىندا توكيو-2020 جازعى وليمپيادا ويىندارىنا قاتىسىپ, 2014 جىلعى ازيا ويىندارىندا كوماندالىق ەسەپتە التىن مەدال جەڭىپ العان. سونىمەن قاتار «ۇلكەن دۋلىعا» جۇپتىق ءتۋرنيرىنىڭ ءفيناليسى (French Open 2021) جانە ەكى ATP ءتۋرنيرىنىڭ جەڭىمپازى (بىرەۋى جەكەلەي) بولعان.
