V دۇنيەجۇزىلىك كوشپەندىلەر ويىندارىنىڭ بۇگىنگى جارىس كۇنىندە قازاقستان قۇراماسى 7 التىن, 7 كۇمىس, 9 قولا مەدال جەڭىپ الدى. قازاقستان قۇراماسى 21 التىن, 10 كۇمىس, 17 قولا مەدالمەن جالپى ەسەپتە كوش باستاپ كەلەدى. ودان سوڭ 23 مەدالمەن قىرعىزستان, 24 مەدالمەن وزبەكستان, 21 مەدالمەن رەسەي قۇرامالارى جايعاسقان.
كۋراشتان قازاقستاندىق 7 سپورتشى جارتىلاي فينالعا جولداما الىپ, ونىڭ تورتەۋى اقتىق سىنعا جولداما الدى. وكىنىشكە قاراي, ەكىنشى جارىس كۇنى وتاندىق سپورتشىلارعا التىن بۇيىرمادى. وسىلايشا, قازاقستاندىق بالۋاندار 4 كۇمىس, 3 قولا جۇلدە يەلەندى.
1. مارات نيگماتۋللاەۆ – قولا جۇلدە (ەرلەر اراسىندا 60 كەلى سالماق دارەجەسى)
2. ەرنۇر سۇلەيمەنوۆ – كۇمىس جۇلدە (ەرلەر اراسىندا 60 كەلى سالماق دارەجەسى)
3. ايبەك قازاقباەۆ – كۇمىس جۇلدە (ەرلەر اراسىندا 66 كەلى سالماق دارەجەسى)
4. تولعاناي ابەۋوۆا – كۇمىس جۇلدە (ايەلدەر اراسىندا 57 كەلى سالماق دارەجەسى)
5. التىناي نۇرحانوۆا – قولا جۇلدە (ايەلدەر اراسىندا 57 كەلى سالماق دارەجەسى)
6. ءنۇردىن شايمەردەن – كۇمىس جۇلدە (ەرلەر اراسىندا 73 كەلى سالماق دارەجەسى)
7. ادىلەت احمەتعالي – قولا جۇلدە (ەرلەر اراسىندا 73 كەلى سالماق دارەجەسى)
ايتا كەتەيىك, جارىستىڭ العاشقى كۇنى قازاقستاندىق 6 سپورتشى كۋراشتان جارتىلاي فينالعا جولداما الىپ, ۇشەۋى اقتىق سىندا باق سىنادى. ال جالپى كۋراشتان قازاقستان قۇراماسى 1 التىن, 6 كۇمىس 6 قولا جۇلدەگە يە بولدى.
