ەپتىلىك پەن مەرگەندىك سىنالاتىن جامبى اتۋ سايىسىنا 27 مەملەكەتتەن 78 سپورتشى قاتىسىپ جاتىر. سپورتشىلار 11 توپقا ءبولىنىپ, دوداعا ءتۇستى.
جامبى اتۋدىڭ ماجار ءستيلى بويىنشا وتكەن سايىستا فرانتسيا مەرگەنى رافاەل مالەت چەمپيون اتاندى. كۇمىس مەدال موڭعوليالىق التىنگۋياح نەرگۋيگە بۇيىرسا, قولا جۇلدەنى مالەتتىڭ وتانداسى گاتەن بلو ەنشىلەدى. ۇلتتىق قۇراما مۇشەسى ابزال ت ۇلىبەكوۆ بەسىنشى ورىندى مىسە تۇتتى.
«ماجار ءستيلىنىڭ ەرەكشەلىگى – سپورتشى اتپەن جۇيتكىپ كەلە جاتىپ, نىساناعا كوپ وق تيگىزۋ كەرەك. جەبە سانىنا شەكتەۋ جوق. كوشپەلىلەر ويىندارىنا ۇلتتىق قۇراما مۇشەلەرى تىڭعىلىقتى ازىرلىك جۇرگىزدى. ماجار ستيلىنەن مەدال بۇيىرماعانى وكىنىشتى. جىل باسىنان بەرى ءتورت وقۋ-جاتتىعۋ جيىنىن وتكىزىپ, ءار مەرگەننىڭ جەكە دايىندىعىنا كوڭىل ءبولىپ, تاكتيكالىق جوسپار بويىنشا شەبەرلىگىن شىڭدادىق», دەدى جامبى اتۋدان قازاقستان ۇلتتىق قۇراماسىنىڭ باس باپكەرى ەلدوس باداشەۆ.
ەل قۇراماسى ساپىندا ايتبەك سارىباي, ەرالحان ايكوز, باتىر بەكساۋىت, ابزال تۇرلىبەكوۆ باق سىنايدى. سپورتشىلارىمىز بۇعان دەيىن الەم, ەۋروپا چەمپيوناتتارىنان جۇلدەلى ورالىپ, مەرەيىمىزدى تاسىتقان ەدى. مەرگەندەرىمىز ءالى ازيا, تۇرىك, قازاق ستيلدەرى بويىنشا تارتىسقا تۇسەدى.
