باق-قا ارنالعان اككرەديتاتسياعا جالپى 70 ەلدىڭ 1285 مەديا وكىلىنەن ءوتىنىش تۇسكەن. ونىڭ ىشىندە 933 قازاقستاندىق, 352 شەتەلدىك جۋرناليستەر. ولاردىڭ اراسىندا CNN, BBC, Euronews جانە ت.ب. الەمدىك جەتەكشى اقپارات قۇرالدارىنىڭ وكىلدەرى دە بار.
V دۇنيەجۇزىلىك كوشپەندىلەر ويىندارى كەزىندە "قازمەديا" ورتالىعىندا ءباسپاسوز ورتالىعى جۇمىس ىستەيدى. بۇل ورتالىقتا اشىلۋ سالتاناتىنان تىكەلەي ەفير كورسەتىلەدى. الەمدىك ستاندارتتارعا ساي كوشپەندىلەر ويىندارىنىڭ اشىلۋ سالتاناتىنا باق وكىلدەرى قاتىسپايدى. اشىلۋ سالتاناتى 8 قىركۇيەك كۇنى 19:00-دە باستالادى.
5-ءشى دۇنيەجۇزىلىك كوشپەندىلەر ويىندارىندا 21 سپورت تۇرىنەن 97 مەدال جيىنتىعى ساراپقا سالىنادى.
بۇگىندە سپورتتىق جارىستارعا بارلىعى 89 ەلدەن 2430 قاتىسۋشى تىركەلدى. ونىڭ ىشىندە, جاتتىقتىرۋشىلار, سپورتشىلار, مادەني جانە عىلىمي جوبالارعا قاتىساتىن ادامدار كىرەدى.
