فوتو: استانا قالاسى اكىمدىگى
2024 جىلدىڭ 6-14 قىركۇيەك ارالىعىندا «قازاق ەلى» مونۋمەنتى, «اتاتۇرىك» ساياباعى, «بايتەرەك» مونۋمەنتى جانە ورتالىق ساياباق اۋماعىندا ەتنواۋىل جۇمىسىن باستايدى.
قالا اكىمدىگىنىڭ حابارلاۋىنشا, ەتنواۋىل اۋماعىندا كونتسەرتتىك باعدارلامالار جانە سپورتتىق ءىس-شارالار ۇيىمداستىرىلادى. كونتسەرتتىك باعدارلاماعا مادەنيەت باسقارماسىنىڭ ۆەدومستۆولىق باعىنىستى مەكەمەلەرىنىڭ شىعارماشىلىق ۇجىمدارى مەن سوليستەرى, سونداي-اق بەلگىلى ونەر قايراتكەرلەرى مەن وتاندىق ەسترادا جۇلدىزدارى قاتىساتىنى اتاپ ءوتىلدى. كونتسەرتتىك باعدارلاما ەتنواۋىلداردا ساعات 18:00-دەن 20:00-گە دەيىن جالعاسادى.
ەتنواۋىل ۇيىمداستىرىلاتىن اۋماقتار:
- ەسىل اۋدانىنىڭ اۋماعىندا «بايتەرەك» مونۋمەنتىنىڭ الاڭىندا;
- الماتى اۋدانى «قازاق ەلى» مونۋمەنتىنىڭ جانىندا;
- بايقوڭىر اۋدانى «اتاتۇرىك» ساياباعىندا;
- نۇرا اۋدانى ورتالىق ساياباقتا ورنالاساتىن بولادى.
ايتا كەتەيىك, 7 قىركۇيەك كۇنى ساعات 11:00-دە «قازانات» يپپودرومىنىڭ جانىندا 10 گەكتار جەردە باستى «كوشپەلىلەر الەمى» ەتنواۋىلى اشىلادى. ەتنواۋىل بىرنەشە ورىنعا بولىنەدى: ورتالىق الاڭ, ۇلتتىق ويىندارعا ارنالعان بالالار ويىن الاڭى, حالىق مۋزىكاسىنا ارنالعان شاتىر, اشىق اسپان استىنداعى كوشپەلى وركەنيەتتەر مۇراجايى, سپورتتىق ءىس-شارالار, ۇلتتىق تاعامدار, باستى ساحنا, ايماقتاردىڭ ەتنو-قونىستارى, قولونەرشىلەر جانە شىعىس بازارى بار ارنايى قالا. سونداي-اق ەتنواۋىل اۋماعىندا كوپتەگەن كادەسىيلار تابۋعا بولاتىن شىعىس بازارى ۇيىمداستىرىلىپ, ەلىمىزدىڭ ەكى جۇزدەن استام قولونەرشىلەرى ءوز ونىمدەرىن ۇسىنادى.
سونىمەن قاتار ەتنواۋىلدا تۋريستەر مەن قوناقتارعا ارنالعان ءداستۇرلى جانە ۇلتتىق تاعامداردان ءدام تاتۋ ءۇشىن قازاق ۇلتتىق تاعامدارىنىڭ مەيرامحانالارى ۇيىمداستىرىلادى.
ەسكە سالا كەتەيىك, V دۇنيەجۇزىلىك كوشپەلىلەر ويىندارى استانادا 8-13 قىركۇيەك ارالىعىندا وتەدى, وعان الەمنىڭ 89 ەلىنەن 2500-دەن استام قاتىسۋشى قاتىسادى.
