فوتو:polisia.kz
پوليتسيانىڭ حابارلاۋىنشا, جەرگىلىكتى تۇرعىن بولىمشەگە حابارلاسىپ, وبلىس اۋماعىندا تۇراتىن 74 جاستاعى قارت كىسى بايلانىسقا شىقپاي جاتقانىن جەتكىزگەن.
«وسى فاكتى بويىنشا وقيعا ورنىنا جەدەل تەرگەۋ توبى جىبەرىلدى. توتەنشە جاعدايلار دەپارتامەنتىنىڭ قىزمەتكەرلەرىمەن بىرگە قۇقىق قورعاۋ ورگاندارى پاتەرگە بالكون ارقىلى كىردى. جاتىن بولمەدە مەديتسينالىق كومەككە مۇقتاج قارت ايەل تابىلدى. ول دەرەۋ اۋرۋحاناعا جەتكىزىلدى», دەپ حابارلادى پد كپب باستىعى داۋرەن ساكەنوۆ.
جابىرلەنۋشىنىڭ ايتۋىنشا, وقيعا بولعان كۇنى بەلگىسىز ەر ادام پاتەرگە كىرىپ, قارت ايەلدى ۇرىپ-سوققان, كەيىن بار اقشاسىن تالاپ ەتكەن. اقىرى 300 مىڭ تەڭگەنى قولدى قىلىپ, بەلگىسىز باعىتقا كەتىپ قالعان.
جەدەل ىزدەستىرۋ شارالارىنىڭ ناتيجەسىندە پوليتسيا قىزمەتكەرلەرى بۇرىن سوتتالعان 33 جاستاعى ەر ادامدى انىقتاپ, دەرەۋ قاماۋعا العان. اتالعان فاكت بويىنشا سوت ساراپتامالارى تاعايىندالدى, سوتقا دەيىنگى تەرگەۋ امالدارى جۇرگىزىلىپ جاتىر.
