اتالعان ەلەكتروندى قىزمەتتىڭ كومەگى ارقىلى تۇرعىندار ەكولوگيالىق پروبلەمالاردى فوتوسۋرەتكە ءتۇسىرىپ, ونى جەدەل شەشۋ ءۇشىن جاۋاپتى قۇرىلىمدارعا اقپارات بەرە الادى.
بۇل قوسىمشا ىسكە قوسىلعان ساتتەن باستاپ قازاقستاندىقتار tazaqazaqstan.kz سايتى جانە «TazaQazBot» تەلەگرام-بوتى ارقىلى 1 500-دەن استام ءوتىنىم بەردى. بۇل تەحنولوگيانى «eGov mobile» قوسىمشاسىمەن بىرىكتىرۋ ءوتىنىم بەرۋ ۇدەرىسىن ودان سايىن جەڭىل ءارى قولجەتىمدى ەتەدى.
قوسىمشا پايدالانۋشىلارى جولداردىڭ, ساياباقتاردىڭ, كىرەبەرىستەردىڭ, جارىقتاندىرۋدىڭ, سونداي-اق قوعامدىق جانە جەكە اۋماقتاردىڭ سانيتارلىق جاعدايىنا قاتىستى ماسەلەلەردىڭ كەڭ اۋقىمى بويىنشا وتىنىمدەر بەرە الادى.
ودان سوڭ بارلىق اقپارات وپەراتورعا جەرگىلىكتى اتقارۋشى ورگاننان كەلىپ تۇسەدى, ول ونى جىكتەيدى جانە ورىنداۋشىنى تاعايىندايدى. ال ورىنداۋشى جۇرگىزىلگەن جۇمىستىڭ قورىتىندىسى بويىنشا فوتوسۋرەتپەن جانە تۇسىنىكتەمەمەن كەرى بايلانىس بەرەدى. كەيىن ءوتىنىم بەرگەن ازامات ورىندالعان جۇمىستىڭ ساپاسىن باعالاي الادى جانە بۇرىن بەرىلگەن بارلىق وتىنىمدەردى كورە الادى.
ايتا كەتەيىك, «eGov مobile» قوسىمشاسىنىڭ جاڭا فۋنكتسيونالىن ەكولوگيا مينيسترلىگى, سونداي-اق تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «ۇلتتىق اقپاراتتىق تەحنولوگيالار» اكتسيونەرلىك قوعامىمەن بىرلەسىپ ىسكە قوستى.
