بالاقايلار مەكتەبى

«بالاقايلار مەكتەبى» – جازعى ­دەمالىس كەزىندە ءبىرىنشى سىنىپقا باراتىن بالالارعا بىردەي باستاپقى, قا­جەتتى داعدىلاردى مەڭگەرتۋ ماقسا­تىن­دا مەكتەپالدى دايىندىققا ارنال­عان قىسقامەرزىمدى باعدارلاما. وقۋ-اعارتۋ مينيسترلىگىنىڭ حابارلاۋىنشا, ەلىمىزدە اتالعان باعدارلاما بويىنشا 115 مىڭعا جۋىق بالا مەكتەپالدى دايىندىقتان ءوتتى. «بالاقايلار مەكتەبى» مەكتەپكە دەيىنگى ءبىلىم بەرۋ مەن باستاۋىش مەكتەپ اراسىنداعى ساباقتاستىقتى قامتاماسىز ەتەدى, سونىمەن قاتار بالالاردى مەكتەپكە دە­يىنگى تاربيە مەن وقىتۋدىڭ ۇلگىلىك وقۋ باعدارلاماسىنىڭ باعىتتارى بويىنشا مەكتەپكە الدىن الا دايىنداۋعا مۇمكىندىك بەرەدى. اتالعان باعدارلا­ما مەملەكەتتىك جالپىعا مىندەتتى مەكتەپكە دەيىنگى تاربيە مەن ءبىلىم بەرۋ ستاندارتىنا سايكەس ازىرلەندى.

مەكتەپكە دەيىنگى ءبىلىم بەرۋ دەپار­تامەنتىنىڭ ديرەكتورى مانار اداموۆا جوبا تۋرالى: «جازعى كەزەڭدە مەكتەپ­الدى دايىندىقتان 115 مىڭعا جۋىق بالا ءوتىپ, 2,9 مىڭ مەكتەپتىڭ 5,1 مىڭ باستاۋىش سىنىپ مۇعالىمى مەن مەكتەپ­الدى دايارلىق پەداگوگتەرىنىڭ قاتى­سۋى­مەن وقىتۋ ۇيىمداستىرىلدى. وقىتۋ بارىسىندا بالالاردىڭ فيزيكا­لىق, كوممۋنيكاتيۆتىك, ينتەللەكتۋال­دىق, شىعارماشىلىق جانە الەۋمەتتىك-ەموتسيونالدىق داعدىلارى, سونداي-اق مەكتەپكە وڭ كوزقاراسىن دامىتۋعا باسىمدىق بەرىلدى», دەدى.

ايتا كەتۋ كەرەك, مەكتەپالدى دايىندىق باعدارلاماسى 1 ايعا ار­نال­عان. بالالاردى باعدارلاما بويىن­شا بىلىكتى باستاۋىش سىنىپ مۇعالىم­دەرى, مەكتەپالدى دايارلىق پەداگوگتەرى ­دايارلادى.