فوتو: qazaqpress.kz
جيىنعا قاتىسۋشىلار سەرىكتەستىكتى دامىتۋدىڭ نەگىزگى باعىتتارىن ايقىنداپ, «Huawei» كومپانياسىنىڭ سوڭعى جاڭالىقتارى مەن شەشىمدەرىن تالقىلادى.
«كەيىنگى ونجىلدىقتا ءبىز زەرتتەۋلەر مەن ازىرلەمەلەرگە 160 ميلليارد دوللار كولەمىندە ۇلكەن قاراجات سالدىق. وتكەن جىلى كومپانيانىڭ ساتۋ كولەمى 99,4 ميلليارد دوللاردى قۇرادى, بۇل ءبىزدىڭ نارىقتاعى الەۋەتىمىزدى جانە قارجىلىق مۇمكىندىكتەرىمىزدى كورسەتەدى. 2024 جىلى جەلىمىزگە 59 جاڭا كومپانيانى قوسۋدى جوسپارلاپ وتىرمىز. بۇل ادەتتەگى كورسەتكىشتەن 114 پايىزعا ارتىق», دەدى «Huawei Technologies Kazakhstan» باس ديرەكتورى چجاو سيۋي.
جيىنداعى باستى تاقىرىپتاردىڭ ءبىرى Wi-Fi 7 شەشىمىن ىسكە قوسۋ تۋرالى بولدى.
«2024 جىلدىڭ سوڭىنا قاراي نارىققا 200 ميلليوننان استام Wi-Fi 7-ءنى قولدايتىن قۇرىلعىلار شىعادى. بۇل – ءبىزدىڭ كورپوراتيۆتى كليەنتتەرىمىزگە جۇمىس تيىمدىلىگىن ەداۋىر ارتتىرۋعا مۇمكىندىك بەرەتىن سىمسىز تەحنولوگيالاردى دامىتۋدىڭ جاڭا كەزەڭى. Wi-Fi 7 كومەگىمەن كومپانيالار بيزنەس-مىندەتتەردى تەزىرەك جانە ساپالى شەشە الادى», دەدى «Huawei Technologies Kazakhstan» شەشىمدەردى ساتۋ ءبولىمىنىڭ ديرەكتورى گە ليان.
كونفەرەنتسيادا «Huawei»-ءدىڭ جەتەكشى ساراپشىلارىنىڭ باياندامالارى ۇسىنىلدى. ولار تسيفرلىق ترانسفورماتسيا سالاسىنداعى بىلىمدەرى مەن تاجىريبەلەرىن ءبولىستى. جاساندى ينتەللەكتىنى ۇتىمدى قولدانۋ, تۇراقتى دامۋ جانە جاڭا تەحنولوگيالاردى قولدانىستاعى بيزنەس-مودەلدەرگە ينتەگراتسيالاۋ ماسەلەلەرىنە ەرەكشە نازار اۋدارىلدى.
«Huawei» ءوز سەرىكتەستەرىن ۇنەمى قولداپ وتىرادى. بىرلەسىپ جۇمىس ىستەۋ, ساپالى مامانداردىڭ بىلىكتىلىگىن ارتتىرۋ جانە رەسۋرستارعا ينۆەستيتسيا سالۋ ءوزارا تابىسقا جەتۋگە ىقپال ەتەتىنىنە سەنىمدىمىز. ءبىزدىڭ ماقساتىمىز – سەرىكتەستەرگە ءوز بيزنەستەرىن ايتارلىقتاي دامىتىپ, قوعامعا ەڭ پايدالى ءارى ءتيىمدى شەشىمدەردى ۇسىنا الاتىنداي بارلىق قاجەتتى قۇرالداردى ۇسىنۋ», دەدى »Huawei Technologies Kazakhstan» سەرىكتەستەرىمەن جۇمىس جونىندەگى مەنەدجەر رۋسلان ابىلعازين.
