فوتو: تۋريزم جانە سپورت مينيسترلىگى
«بوكستان ەرلەر قۇراماسى بارلىق سالماق دارەجەسىندە ونەر كورسەتتى. مىندەتتەمەلەرى بويىنشا ولار 1 التىن, 1 كۇمىس جانە 1 قولا مەدال الۋعا ۋادە بەردى. كوماندا تەك 1 كۇمىس جەڭىپ الدى. ەكىنشى جىل سپورتشىلار بىردە-ءبىر التىنعا قول جەتكىزە المادى. قازاقستاندىق بوكس مەكتەبى ءوزىنىڭ جەتەكشى پوزيتسيالارىمەن الەمدىك سپورت ارەناسىندا ارقاشان داڭقتى بولدى. ءبىزدىڭ بوكسشىلار 1996 جىلدان بەرى جارىسقا قاتىسىپ, بارلىعى 61 سپورتشى قاتىسىپ, 22 مەدال جەڭىپ الدى: 7 التىن, 7 كۇمىس جانە 8 قولا», دەدى مينيستر.
ءمينيستردىڭ ايتۋىنشا, بۇل وليمپيادادا بوكستان ۇلتتىق قۇراما ۇزدىك ناتيجە كورسەتە المادى.
ايتا كەتەيىك, جيىنعا پرەزيدەنت اكىمشىلىگىنىڭ, ۇكىمەت اپپاراتىنىڭ, دەپۋتاتتىق كورپۋستىڭ وكىلدەرى, سالا ارداگەرلەرى, وليمپيادا جۇلدەگەرلەرى, وڭىرلىك باسقارمالاردىڭ, فەدەراتسيالاردىڭ, مينيسترلىككە باعىنىستى ۇيىمداردىڭ باسشىلارى, سونىمەن بىرگە باق وكىلدەرى قاتىستى.
