بالاسىنا كومەكتەسپەيتىن بەزبۇيرەكتەر

اتىراۋ قالالىق پوليتسيا باسقار­ما­سى كوشى-قون ءبولىمىنىڭ ينسپەكتورى, پوليتسيا لەيتەنانتى ريمما سيدي­حوۆانىڭ ايتۋىنشا, ۋچاسكەلىك پوليتسيا ينسپەكتورلارى سوت ورىنداۋشىلارىمەن بىرگە اليمەنت تولەۋدەن جالتارعانداردى, بورىشكەرلەر مەن تۋىسقاندارىمەن قارىم-قاتىناسىن ۇزگەندەردى ۇدايى ىزدەستىرەدى. كامەلەتكە تولماعان بالالارىنا الي­مەنت تولەۋدەن جالتارعاندار مەملەكەتتىك ­ورگاندار مەن سوت ورىنداۋشىلارى­نىڭ ەسەبىنە الىنادى.

«جىل باسىنان بەرى اليمەنت تولەۋدەن جالتارعانى ءۇشىن 181 ادام مەملەكەتتىك ورگانداردىڭ, سوت ورىنداۋشىلارىنىڭ ەسەبىنە الىندى. ال كوشى-قون ءبولىمى ارقىلى اليمەنت تولەۋدەن جالتارىپ جۇرگەن 26, بورىشكەر ساناتىنداعى 25 جانە تۋىسقاندارىمەن قارىم-قاتىناسىن ۇزگەن 7 ادام ىزدەستىرۋ ەسەبىندە تۇر», دەيدى ريمما سيديحوۆا.

ونىڭ دەرەگىنە سۇيەنسەك, بورىش­كەرلەردى ىزدەستىرۋگە بايلانىستى رەيدتىڭ العاشقى كۇنىندە 10 ادام انىقتالعان. ولاردىڭ اراسىندا اليمەنت تولەمەگەن – 8, وزگە قارىزىن وتەمەگەن 2 بورىشكەر بار. رەيدتىك ءىس-شارا كەزىندە كامەلەت جاسىنا تولماعان بالالارىن باعىپ-قاعۋ مىندەتىن ورىنداماي, اليمەنت تولەۋ­دەن جالتارعان ەر ادام ۇستالدى. بەز­بۇيرەك اكەنىڭ قارىزى شامامەن 2 ملن تەڭگەگە جۋىق سومانى قۇرايدى. تاعى ءبىر اتىراۋلىق تۇرعىننىڭ 2017 جىلدان بەرى بالاسىنا اليمەنت تولەۋ مىندەتىن ورىنداماي كەلگەنى انىقتالدى. ول اليمەنتكە بەرەشەگىن وتەۋدەن باس تارتىپ, بالا الدىنداعى جاۋاپكەرشىلىكتەن جالتارىپ كەلگەن.

ال قىزىلقوعا اۋداندىق سوتىنىڭ اقپاراتىنا سۇيەنسەك, بالالارىنا ءتيىس­تى اليمەنتتى تولەمەي جۇرگەن ەكى بو­رىش­­كەردىڭ ءىسى قارالدى. ەكەۋى دە اكىم­شى­لىك قۇقىق بۇزۋشىلىق تۋرالى كودەك­سىنىڭ 669-بابىنىڭ 1-بولىگىنىڭ تالابىن
بۇزعان.

«بورىشكەرلەردىڭ كامەلەتكە تول­ما­عان بالالارىن اسىراپ-باعۋعا اي­لىق­ تابى­سىنىڭ جانە وزگە دە كىرىسى­نىڭ ءتيىس­تى مول­شەرىنەن اليمەنت ءوندىرۋ تۋرا­لى سوت بۇيرىعىن ورىنداماعانى انىق­­تال­دى. قۇقىق بۇزۋشىلار ءوز كىناسىن مويىن­­داپ, جۇمىسقا ورنالاسۋعا جانە بالال­ا­رىن اسىراپ-باعۋ ءۇشىن اليمەنت تولەۋ­گە ­ۋادە بەردى. سوت قاۋلىلارىمەن قۇقىق بۇزۋ­شىلار اكىمشىلىك قۇقىق بۇزۋشىلىق تۋرالى كودەكسىنىڭ 669-بابىنىڭ 1-بولىگىمەن كىنالى دەپ تانىلدى. بالالارىنا اليمەنت تولەۋدەن قاشىپ, قۇقىق بۇزعان بورىشكەردىڭ ارقايسىسىنا 3 تاۋلىك مەرزىمگە اكىمشىلىك قاماققا الىندى», دەپ حابارلادى اۋداندىق سوتتان.

اتىراۋ وبلىسى