جەلىدەگى اقپاراتتا 15 قىركۇيەكتەن باستاپ ەلىمىزدە ماسكا تاعۋ رەجيمى ەنگىزىلىپ, وقۋشىلار قاشىقتىقتان وقۋعا جىبەرىلەتىنى ايتىلعان.
قر سانيتارلىق-ەپيدەميولوگيالىق باقىلاۋ كوميتەتى بۇل اقپاراتقا قاتىستى پىكىر ءبىلدىردى.
«مەسسەندجەرلەردە 15 قىركۇيەكتەن باستاپ بالالاردى قاشىقتان وقىتۋعا جىبەرەدى جانە مەكەمەلەردە ماسكامەن ءجۇرۋ رەجيمى ەنگىزىلەدى دەگەن اقپارات شىندىققا جاناسپايدى. جىل سايىن ەپيدەميالىق ماۋسىم كەزەڭىندە پروفيلاكتيكالىق جانە ەپيدەمياعا قارسى ءىس-شارالاردى وتكىزۋدى كوزدەيتىن قر باس مەملەكەتتىك سانيتاريالىق دارىگەرىنىڭ قاۋلىسى بەكىتىلەدى. قاۋلىعا سايكەس, بيىلعى جىلدىڭ 15 قىركۇيەگىنەن باستاپ تۇماۋعا قارسى ۆاكتسيناتسيا جۇرگىزۋ باستالادى. ماسكا تاعۋ رەجيمى تەك مەديتسينالىق ۇيىمداردىڭ قىزمەتكەرلەرى ءۇشىن عانا ەنگىزىلەدى», - دەلىنگەن حابارلامادا.
قاۋلىمەن تولىعىراق قر دسم سانيتاريالىق-ەپيدەميولوگيالىق باقىلاۋ كوميتەتىنىڭ سايتىندا مىنا سىلتەمە بويىنشا تانىسۋعا بولادى.
«بارلىق ازاماتتاردى رەسمي اقپارات كوزدەرىندەگى سەنىمدى اقپاراتقا سەنۋگە شاقىرامىز», – دەلىنگەن قر سانيتارلىق-ەپيدەميولوگيالىق باقىلاۋ كوميتەتى ءباسپاسوز قىزمەتىنىڭ حابارلاماسىندا.
