فوتو: gov.kz
ۇتو ءباسپاسوز قىزمەتى قولايلى جاعداي جاساۋدىڭ ارقاسىندا تامىزداعى ۇبت-عا ەرەكشە ءبىلىم بەرۋدى قاجەت ەتەتىن 100 تالاپكەر قاتىسقانىن اتاپ ءوتتى.
ۇبت وتكىزۋ كەزەڭىندە 77 ەرەجە بۇزۋشىلىق انىقتالعان. ونىڭ ىشىندە 44 تالاپكەر سمارتفون, شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلعان. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 33 ادام شىعارىلعان. بوگدە تۇلعالار انىقتالعان جوق.
«2024 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى», دەلىنگەن حابارلامادا.
ايتا كەتەيىك, جوو-دا وقۋىن اقىلى نەگىزدە ماماندىعى بويىنشا جالعاستىرۋدى جوسپارلاعان كوللەدج تۇلەكتەرى اڭگىمەلەسۋ ناتيجەسى بويىنشا وقۋعا تۇسە الادى. بۇل رەتتە قابىلداۋدى جوو-نىڭ قابىلداۋ كوميسسيالارى جۇزەگە اسىرادى.
سونىمەن قاتار 2024-2025 جىلعى وقۋ جىلىنا ارنالعان ءبىلىم گرانتىن يەلەنبەگەن تالاپكەرلەردىڭ گرانت يەگەرى اتانۋى ءۇشىن قوسىمشا مۇمكىندىكتەر جونىندە اقپارات ۇسىنۋ ماقساتىندا ارنايى Call-ورتالىعى جۇمىس ىستەيدى.
