فوتو: ۆيدەودان كادر
تالداۋلارعا سايكەس, جوعارى كورسەتكىش 2015-2017 جىلدارى بولعان, ول كەزدە 30 تونناعا دەيىن ەسىرتكى تاركىلەنگەن. 2019 جىلدان باستاپ تومەندەۋ بايقالادى. وپەراتسيا بارىسىندا قۇرامىندا ەسىرتكى بار وسىمدىكتەردىڭ ءوسۋ ايماقتارى انىقتالعان.
– قاسكۇنەمدەر ىستىق جانە قۇرعاق كليماتى بار جاڭا ەگىس القاپتارىن ىزدەي باستادى. ولار مۇنداي جەرلەر پوليتسيانىڭ نازارىنان تىس قالادى دەپ ويلاعان. مۇنداي وڭىرلەرگە تۇركىستان, الماتى, جەتىسۋ, ۇلىتاۋ وبلىستارىنىڭ اۋماعى, سونداي-اق ەلدىڭ باتىس ءوڭىرى جاتادى, – دەدى ءىىم ەسىرتكى قىلمىسىنا قارسى ءىس-قيمىل دەپارتامەنتى.
ارنايى وپەراتسيا باستالعالى بەرى كاننابيس توبىنىڭ 16 توننا ەسىرتكىسى جويىلدى. ونىڭ ىشىندە 12 توننا قاراسورا, 4,2 توننا ماريحۋانا, 450 كگ گاشيش بار. ءتورت مىڭ شارشى مەترگە جۋىق ەسىرتكى ەگىستىگى جويىلدى.
