فوتو: polisia.kz
كۇدىكتىلەردىڭ قاراسورانى ارنايى وسىرگەنى سۋارۋ جۇيەسى ارقىلى ناقتىلانعان.
سونىمەن قاتار ارال اۋماعىندا ورنالاسقان شاتىردا پاتروندارىمەن تەگىس ۇڭعىلى قارۋ, قاجەتتى ەكى قاپ تىڭايتقىش, سونداي-اق قاراسورانى سۋارۋ جانە وڭدەۋ تۋرالى جازبالارى بار داپتەر تابىلعان.
«ەسىرتكى پلانتاتسياسى بالقاش كولى ارالدارىنىڭ بىرىندە انىقتالدى. جۇرگىزىلگەن ساراپتاما تاركىلەنگەن 6 122 وسىمدىك بۇتاسى جالپى سالماعى 2 توننا 740 كەلى گوللانديالىق كاننابيس ەكەنىن راستادى. قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ فاكتىسى بويىنشا قىلمىستىق ءىس قوزعالدى. كۇدىكتىلەردى ۇستاۋعا باعىتتالعان جەدەل-ىزدەستىرۋ ءىس-شارالارىنىڭ كەشەنى وتكىزىلىپ جاتىر», دەدى الماتى وبلىسى پوليتسيا دەپارتامەنتىنىڭ باستىعى باۋىرجان الەنوۆ.
وسىلايشا پوليتسەيلەر قۇنى 300 ملن تەڭگەنى قۇرايتىن قاراسورانىڭ قارا نارىققا ءتۇسۋىنىڭ الدىن الدى.
