فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
مينيسترلىكتىڭ حابارلاۋىنشا, بۇل زاماناۋي سۋارۋ جۇيەلەرىن ساتىپ الۋ, سونداي-اق بارلىق قاجەتتى ينفراقۇرىلىمدى قامتاماسىز ەتۋ شىعىندارىن وتەۋگە كومەكتەسەدى.
«مەملەكەت باسشىسىنىڭ تاپسىرمالارىن ورىنداۋ ءۇشىن ءار وڭىرگە سۋ ۇنەمدەۋ جۇيەلەرى ورناتىلعان ەگىس القاپتارىن ۇلعايتۋ بويىنشا ناقتى ينديكاتورلار بەلگىلەپ, 2030 جىلدىڭ سوڭىنا دەيىن كەزەڭدىك جوسپار ازىرلەدى. مينيسترلىك 2030 جىلدىڭ سوڭىنا قاراي رەسپۋبليكاداعى سۋارمالى جەرلەردىڭ جالپى كولەمىنىڭ 50%-دان استامىن سۋ ۇنەمدەۋ تەحنولوگيالارىمەن قامتۋ ارقىلى جىلىنا 2,1 تەكشە شاقىرىمعا دەيىن سۋ ۇنەمدەۋدى جوسپارلاپ وتىر», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
سۋبسيديا مولشەرىن ۇلعايتۋ شەشىمىن شارۋالار قۋانا قابىل العان. تۇركىستان وبلىسىنىڭ ديقانى جامانتاي بەيسەنباەۆ بيىل 10 گەكتار ماقتا القابىنا تامشىلاتىپ سۋارۋ جۇيەسىن ورناتقان. شارۋا سۋارۋدىڭ جاڭا ءادىسى ارقىلى تىرشىلىك ءنارىن دە تىڭايتقىشتى دا بىرنەشە ەسە ۇنەمدەگەنىن تىلگە تيەك ەتتى.
«بۇل تاريحتا بولماعان قولداۋ. شارۋالار ءۇشىن وتە قولايلى. وسىعان دەيىن سۋ ۇنەمدەيتىن جۇيەلەردى ورناتۋ شىعىندارىنىڭ 50%-ى عانا وتەلەتىن. ەندى ەل بولىپ وسىنداي ۇنەمدى جۇيەلەرگە كوشۋ كەرەك. سوندا عانا ەگىس القابىنىڭ ءار تەلىمىن ءتيىمدى پايدالانىپ, مول ءونىم الا الامىز», دەدى ج.بەيسەنباەۆ.
