مەملەكەت باسشىسىنىڭ ۇلتتىق قۇرىلتايداعى جانە جولداۋىنداعى تاپسىرمالارى مەن رەفورمالارىن ورىنداۋ اياسىندا مادەنيەت جانە اقپارات مينيسترلىگى مادەنيەت, اقپارات جانە كوممۋنيكاتسيا سالالارىن دامىتۋ ماقساتىندا ىرگەلى باستامالاردى ىسكە اسىرىپ كەلەدى. اقپارات سالاسىن دامىتۋ – مەملەكەتتىك ساياساتتىڭ ماڭىزدى باسىمدىعى ءارى اسا ماڭىزدى ءىس. 2024 جىلدىڭ ءبىرىنشى جارتىسىندا «ماسس-مەديا تۋرالى» زاڭدى قابىلداۋ بارىسىندا ءبىراز جۇمىس اتقارىلدى. زاڭ جوباسى تاۋەلسىز ەلىمىزدىڭ تاريحىنداعى ەڭ كوپ تالقىلانعان قۇجاتتىڭ بىرىنە اينالدى. ناتيجەسىندە, بيىل 19 ماۋسىمدا پرەزيدەنت قاسىم-جومارت توقاەۆ مەدياكەڭىستىكتەگى جاڭا ۇردىستەردى ەسكەرە وتىرىپ مەملەكەت پەن قوعامنىڭ مۇددەسىن قورعاۋعا ارنالعان «ماسس-مەديا تۋرالى» زاڭعا قول قويدى.
وتاندىق تەلەارنالاردىڭ تارالۋ اۋقىمىن ەل اۋماعىمەن شەكتەمەي, حالىقارالىق دەڭگەيدە ارتتىرۋ – باسىم باعىت. بۇل تۇرعىدا ايتارلىقتاي ناتيجە بار. ايتالىق, «Silk Way» ارناسى قازىردىڭ وزىندە 118 ەلدە كورسەتىلەدى جانە اقش, ەۋروپا جانە ازياداعى كابەلدىك وپەراتورلارعا قوسىلعان. ال «حابار 24», «Qazaqstan International» جانە «Balapan International» تەلەارنالارى رەسەي, قىرعىزستان, وزبەكستان باسقا دا ەلدەردە حابار تاراتادى.
مۋزەي ءىسىن دامىتۋ جانە تەاتر ونەرىن ناسيحاتتاۋ جۇمىستارى بەلسەندى تۇردە اتقارىلىپ جاتىر. لەوناردو دا ءۆينچيدىڭ «ادەمى حانشايىم» كارتيناسىنىڭ يممەرسيۆتى كورمەسى جارقىن وقيعاعا اينالىپ, ناعىز سەنساتسيا تۋدىردى: ەكسپوزيتسياعا 25 مىڭنان استام ادام كەلدى. بيىل قۇرىلعان شىعارماشىلىق ۇجىمدار – «بىرلىك» ءان-بي كوپۇلتتى ءانسامبلى مەن كلاسسيكالىق گيتاريستەردىڭ مەملەكەتتىك كۆينتەتى حالىقارالىق ساحنالاردا ءساتتى ونەر كورسەتىپ ءجۇر.
جىل باسىنان بەرى مەملەكەتتىك تەاترلاردىڭ شىعارماشىلىق ۇجىمدارى 7,5 مىڭعا جۋىق سپەكتاكل ۇسىندى, وعان 1,5 ميلليون كورەرمەن قاتىستى.
مەملەكەت باسشىسى ۇلتتىق قۇرىلتايدىڭ ءۇشىنشى وتىرىسىندا وزىق ويلى ۇلت بولۋدىڭ ەڭ توتە جولى – كىتاپ وقۋ ەكەنىن اتاپ ءوتتى. وسىعان بايلانىستى 23 ءساۋىر – ۇلتتىق كىتاپ كۇنى دەپ بەلگىلەندى. كىتاپتار بارلىق ازاماتقا قولجەتىمدى بولۋعا ءتيىس, سوندىقتان قازىر ەلدە زاعيپ جانە ناشار كورەتىن ازاماتتارعا ارنالعان 17 مامانداندىرىلعان كىتاپحانا جۇمىس ىستەيدى.
ەلىمىزدە تسيفرلىق ەفيرلىك تەلەراديو حابارلارىن تاراتۋدى ەنگىزۋ قارقىندى دامىپ كەلەدى. 580 راديوتەلەۆيزيالىق ستانسا ەل حالقىنىڭ 93%-دان استامىن «تسيفرلىق حابارمەن», ال شەكارالاس اۋدانداردا «Qazaq radiosy» حالىقتىڭ 91%-ىن نەمەسە 435 مىڭنان استام تۇرعىندى قامتىپ وتىر.
وڭىرلىك ءباسپاسوزدى جەتىلدىرمەي, اقپارات سالاسىن ىلگەرى باستىرۋ مۇمكىن ەمەس. مادەنيەت جانە اقپارات مينيسترلىگى بيىل دا مەملەكەتتىك تاپسىرىس ارقىلى وڭىرلەرمەن جۇمىس ىستەۋدى جانە جۋرناليستيكانى دامىتۋ قورى ارقىلى گرانتتار بەرۋدى قولعا الدى. سونداي-اق بيىل ءساۋىر ايىندا العاش رەت وڭىرلىك باق الەۋەتىن ارتتىرۋ جانە جۋرناليستىك ماتەريالداردىڭ ساپاسىن جاقسارتۋ بويىنشا فورۋم وتكىزدى. وڭىرلىك ءباسپاسوز ءوز ۇستانىمىن جوعالتپاي, الەۋمەتتىك جەلىلەر مەن تانىمال مەسسەندجەرلەردىڭ كومەگىمەن ساپالى دامىپ كەلە جاتقانىن ەرەكشە اتاپ وتكەن ءجون.
ايتا كەتسەك, مادەنيەت جانە اقپارات مينيسترلىگىنىڭ قىزمەتى جەتى ستراتەگيالىق باعىتقا نەگىزدەلگەن. اتاپ ايتقاندا, اقپارات سالاسىنان بولەك, مادەنيەت, ونەر جانە ادەبيەت, جاستار جانە وتباسى, ازاماتتىق قوعام, ءدىن سالاسى, ت.ب. باعىتتاردا جۇمىس اتقارىپ جاتىر.
