Astana TV-عا ۆولونتەرلەردىڭ ايتۋىنشا, نيكولاي ستروكان 3 تامىزدا كەشكە جوعالىپ كەتكەن. تۋىستارىنىڭ ايتۋىنشا, ۇيگە بەيتانىس كولىك كەلىپ, ەر ادام بەلگىسىز باعىتقا كەتىپ قالعان.
سول كەزدە نيكولاي نەگە ەكەنى بەلگىسىز وزىمەن بىرگە تۋريستەر شاتىرى مەن جارىق الىپ كەتكەن. تۋىستارى ونى بالىق اۋلاۋعا كەتتى دەپ بولجاعانىمەن, ونىڭ بۇرىن بالىق اۋلاعان جەرىن تەكسەرگەننەن كەيىن ەشقانداي ءىز تاپپاعان. ونىڭ تەلەفونى ۇيدە قالىپ قويعان.
سونداي-اق, نيكولايدىڭ جوعالۋىنىڭ الدىندا ونىڭ تۋىستارى مەن سۇيىكتىسى ۆالەريا اراسىنداعى جانجال بولعان. مارقۇمنىڭ ۇيىندەگىلەردىڭ ايتۋىنشا, وسى جانجالدان كەيىن ايەل كەتۋگە ءماجبۇر بولعان, ال نيكولاي ونىڭ ارتىنان بارماق بولعان.
نيكولاي جوعالىپ كەتكەننەن كەيىن تۋىستارى "لەراعا تيىسپە, ايتپەسە مەن سەنى و دۇنيەدەن دە تاۋىپ الامىن" دەگەن جازبا تاۋىپ العان.
