فوتو: gov.kz
سپيكەردىڭ ايتۋىنشا, ءوتىنىشتى قاراۋ كەزىندە ساعات بەلدەۋىنىڭ وزگەرۋى ەلەكتر ەنەرگياسىن تۇتىنۋ مەن حالىقتىڭ دەنساۋلىعىنا اسەر ەتتى دەگەن ۋاجدەر راستالمادى.
«دەنساۋلىق ساقتاۋ مينيسترلىگى ستاتيستيكالىق مالىمەتتەرگە سۇيەنەتىنىن ايتىپ, ستاتيستيكا 12 وبلىس پەن رەسپۋبليكالىق ماڭىزى بار ءۇش قالادا ساعات ءتىلى اۋىسۋى حالىقتىڭ ءال-اۋقاتىنا اسەر ەتكەنىن راستاعان جوق», دەدى قايرات بالىقباەۆ.
ونىڭ ايتۋىنشا, ۋاقىت بەلدەۋىن اۋىستىرۋ كەزىندە حالىقارالىق زەرتتەۋلەرگە تالداۋ جاسالعان.
ء«بىز قاراعان بارلىق كەزەڭدە ارىزدانۋشىلاردىڭ ۋاجدەرى راستالمادى, سوندىقتان مەن مينيسترلىكتىڭ الدىن الا شەشىمىن ايتىپ وتىرمىن, بۇل ءوتىنىشتى قاناعاتتاندىرۋدان باس تارتۋ تۋرالى», دەپ تۇيىندەدى ۆيتسە-مينيستر.
قازاقستان تۇرعىندارى 2024 جىلدىڭ 1 ناۋرىزىنان باستاپ UTC+5 ءبىرتۇتاس ۋاقىت بەلدەۋىنە كوشتى.
ءساۋىردىڭ 22-ءسى كۇنى ۋاقىتتى وزگەرتۋدى الىپ تاستاۋدى تالاپ ەتىپ پەتيتسيا جاريالاندى.
7 ماۋسىمدا ول قاراۋ ءۇشىن قاجەتتى داۋىس سانىن الىپ (50 مىڭ), كەيىنىرەك, 21 ماۋسىمدا ۋاقىت بەلدەۋىنە قاتىستى پەتيتسيانى قاراۋ جونىندەگى جۇمىس توبىنىڭ ءبىرىنشى وتىرىسى ءوتتى.
