اقش-قا جۇمىس ساپارى اياسىندا مينيستر جاسلان ماديەۆ «Hubble Network» كومپانياسىنىڭ نەگىزىن قالاۋشى ءارى اتقارۋشى وكىلى الەكس حارومەن, سونداي-اق «Astranis» كومپانياسىنىڭ وكىلدەرىمەن كەزدەستى. ولار عارىشتىق تەحنولوگيالار مەن سپۋتنيكتىك كوممۋنيكاتسيالار سالاسىنداعى ىنتىماقتاستىق كەلەشەگىن تالقىلادى. سونىمەن قاتار «Hubble Network» كومپانياسىمەن ەلىمىزدىڭ اۋماعىندا IoT-قۇرىلعىلاردى ورنالاستىرۋ بويىنشا قاناتقاقتى جوبانى ىسكە قوسۋ تۋرالى كەلىسىمگە قول قويدى.
كومپانيانىڭ شەشىمدەرىن پايدالانۋ – سەنىمدى بايلانىس پەن دەرەكتەرمەن الماستىرىپ, قامتاماسىز ەتە وتىرىپ, ەلىمىزدىڭ بارلىق وڭىرىندە IoT-قۇرىلعىلاردى قولدانۋىن ەداۋىر كەڭەيتۋگە مۇمكىندىك بەرەدى. سونىمەن قاتار مۇناي جانە گاز سالالارىنداعى داتچيكتەر مەن جۇك ۆاگوندارىن ترەككينگكە قولدانۋ جوسپارلانىپ وتىر.
سونداي-اق وتاندىق دەلەگاتسيا «Astranis» كومپانياسىنىڭ وندىرىستىك قۋاتتارىمەن تانىستى. كەزدەسۋ شەڭبەرىندە تاراپتار «ليزينگ» مودەلى بويىنشا «Astranis» اپپاراتىن پايدالانۋ مۇمكىندىگىنە مۇقيات تالداۋدى جۇرگىزۋگە كەلىستى, بۇل ەلىمىزدىڭ سپۋتنيك وندىرىسىنە جۇزدەگەن ميلليون دوللار ينۆەستيتسيالاۋ قاجەتتىلىگىنسىز دەرەكتەردى بەرۋدىڭ جوعارى جىلدامدىقتى سپۋتنيكتىك بايلانىس ارنالارىن ۇيىمداستىرۋ قاجەتتىلىگىن جابۋعا مۇمكىندىك بەرەدى.
ەسكە سالا كەتەيىك, «Hubble Network» – Bluetooth قۇرىلعىلارىن ۇيالى بايلانىسسىز قوسۋ ءۇشىن عالامدىق سپۋتنيكتىك جەلى قۇراتىن كومپانيا. ال «Astranis» – شاعىن گەوستاتسيونارلىق بايلانىس سپۋتنيكتەرىن ازىرلەۋگە جانە وندىرۋگە ماماندانعان كومپانيا.
