ايتسا, ايتقانداي-اق جەدەل شتاب بار, شىعىندى ەسەپتەيتىن كوميسسيا بار ءبارى كوپ سوزباي ىسكە كىرىسىپ كەتتى. كەيبىر ايماقتار تاسقىندى اۋىزدىقتاۋمەن الىسىپ جاتسا, ءبىرلى-ەكىلى وبلىستار شىعىندى وتەپ, بارار جەر, باسار تاۋى قالماعان قاۋىمعا ءۇي بەرە باستادى. پرەزيدەنت اپات ايماعىندا قالعان قاۋىمعا قارجىلىق جانە باسقا دا كومەك كورسەتىلىپ, ماتەريالدىق شىعىندار تولىق وتەلەتىنىن بىردەن ايتتى. شىعىندارعا توقتالار بولساق, 26 شىلدەدەگى جاعداي بويىنشا ەلدە اپات سالدارىنان 19 360 تۇرعىن ءۇي, ونىڭ ىشىندە جالعىز تۇرعىن ءۇي دەپ تانىلعان 7 386 ساياجاي زارداپ شەككەن. بارلىق نىسان بويىنشا تەحنيكالىق تەكسەرۋ ناتيجەلەرى بار. 1 521 نىسان بويىنشا تەرىس شەشىم قابىلدانىپتى. كەلتىرىلگەن زالالدى وتەۋ ءۇشىن تۇرعىن ۇيمەن قامتاماسىز ەتۋ جونىندەگى كوميسسيانىڭ شەشىمىمەن جاڭا 2 577 تۇرعىن ءۇي قۇرىلىسى اياقتالادى. سونداي-اق جىلجىمايتىن م ۇلىك نارىعىنان 6 067 تۇرعىن ءۇي ساتىپ الىنسا, 9 195 نىسان جوندەۋدەن وتەدى.
سونىمەن, سۋ تاسقىنىنان زارداپ شەككەندەردى تۇرعىن ۇيمەن قامتاماسىز ەتۋ ماقساتىندا وڭىردەگى اكىمدىكتەر 2 577 ءۇيدىڭ قۇرىلىسىن باستاعان. ونىڭ ىشىندە 322 ءۇيدىڭ قۇرىلىسى اياقتالىپ, وعان زارداپ شەككەن ازاماتتار قونىستانعان (اقتوبە – 25 ءۇي, قوستاناي – 57 ءۇي, سقو – 235 ءۇي, پاۆلودار – 5 ءۇي). وسىعان قوسا تاسقىندا قالعان تۇرعىندارعا 4 434 تۇرعىن ءۇي ساتىپ الىنىپ, 8 470 ءۇي جوندەۋدەن وتكەن.
پرەزيدەنت ايتقانداي, تاسقىننىڭ سالدارىن جويۋعا ۇكىمەت بار كۇشىن سالىپ وتىر. مۇنى ءبىز سۋ باسقان ولكەلەردەگى جۇمىس قارقىنىنا قاراپ انىق اڭعارامىز. ءتىپتى الدىن الا جوسپارلانعان بىرنەشە اۋقىمدى, حالىقارالىق ءىس-شارالار ءبىرى كەيىنگە شەگەرىلىپ, قارجىسى ۇنەمدەلدى. جىل سوڭىنا دەيىن كوميسسيا ناقتىلاعان شىعىنداردىڭ بارلىعى رەتتەلەتىنىنە, بۇل سىناقتى دا ءبىر بولىپ ەڭسەرەتىنىمىزگە ۇكىمەت پەن حالىق سەنىپ وتىر.
