عالىمداردىڭ پىكىرىنشە, قوجا احمەت ءياساۋيدىڭ بۇل ەڭبەگى ءحVى-ءحVىى عاسىردا قايتا كوشىرىلگەن. تۇرىك حالىقتارىنا ورتاق ەسكى ادەبي تىلدە جازىلعان. كوشىرمە بۇقار قاعازىنا تاڭبالانعان. ماماندار ىشىندەگى كوپ ءسوز قازاقتىڭ ادەبي تىلىنە ورايلاس دەيدى. بۇرىنعى نۇسقالار وعىز ديالەكتىسىندە جازىلعان ەكەن. قولجازبا نۇسقا ەڭ ەسكى ءارى سيرەك كەزدەسەتىن ۇلگى. 90 بەتتەن تۇراتىن قولجازبانى بۇرىننان ءمالىم ءۇش نۇسقامەن سالىستىرۋدىڭ ناتيجەسىندە ترانسكريپتسيالىق, ماتىندىك, كوركەم پوەتيكالىق ۇلكەن ايىرماشىلىقتىڭ, وزگەشىلىكتىڭ بەتىن اشۋعا بولادى. بۇل قولجازبا قازاق ادەبيەتى ءۇشىن دە, ءتىل تاريحى ءۇشىن دە, ەجەلگى ءدىني فيلوسوفيا ءۇشىن دە قۇندى, ماڭىزدى رۋحاني مۇرا ساناتىندا.
