فوتو: ۆيدەودان سكرين
اتالعان قىلمىستىق ءىستى قارجىلىق مونيتورينگ اگەنتتىگى تەرگەگەن. تەرگەۋ ناتيجەسىندە 2022 جىلى زاۋىت قورعانىس مينيسترلىگىنەن اسكەري تەحنيكانى جوندەۋگە تاپسىرىس العانى انىقتالدى. تاپسىرىستى ورىنداۋ كەزىندە جەكە كاسىپكەر جالپى سوماسى 283,3 ملن تەڭگەگە قوسالقى بولشەكتەر جەتكىزۋگە شارت جاساسقان.
ورىندالعان جۇمىستار اكتىلەرىنە كەدەرگىسىز قول قويعانى جانە شارتتى ورىنداۋ كەزىندە جالپى قامقورلىعى ءۇشىن باس ديرەكتور اتقارۋشى ديرەكتور ارقىلى كاسىپكەردەن 100 مىڭ اقش دوللارى (45 ملن تەڭگە) سوماسىندا پارا العان.
«زاۋىتتىڭ بۇرىنعى باس ديرەكتورى اسا ءىرى مولشەردە پارا العانى ءۇشىن 11 جىلعا, اتقارۋشى ديرەكتور ءتورت جىلعا باس بوستاندىعىنان ايىرىلدى. سونىمەن قاتار مەملەكەت كىرىسىنە 40 ملن تەڭگە پارا سوماسىنا ساتىپ الىنعان پاتەر تاركىلەندى. قالعان 5 ملن تەڭگە سوتتالعانداردان تەڭ ۇلەستەرمەن ءوندىرىلدى», دەلىنگەن حابارلامادا.
