اكەسى مەن بالاسى تاۋ-تاس ارالاپ ءجۇرىپ, ەجەلگى ريم داۋىرىندەگى كارەرلەر مەن فەرما قيراندىلارى ساقتالعان ايماققا تاپ بولعان. سوعان جاقىن جەردە بايىرعى مولا دا بار-تۇعىن. ءجاسوسپىرىم وسى ايماقتان مينەرۆا قۇدايى بەينەلەنگەن 1800 جىلدىق ساقينانى تاۋىپ العان. ءيزرايلدىڭ كونە جادىگەرلەر باسقارماسىنىڭ حابارلاۋىنشا, جادىگەر تولىعىمەن ساقتالعان ءارى كوركەم بەينەدە دەسەدى.
– قازبالار مەن تاستارعا قىزىعامىن, ولاردى جيناعاندى جاقسى كورەمىن. سونداي ءبىر سەرۋەن كەزىندە كىشكەنتاي جاسىل زاتتى بايقاپ قالدىم. باسىندا جاي عانا توت باسقان بولت دەپ ويلادىم. تازالاپ كورسەم, ساقينا ەكەن. ۇيگە اكەلىپ, ونى مۇقيات قاراپ شىقتىم. ساقينادان ءبىر قاراعاندا جاۋىنگەردىڭ بەينەسىن كورۋگە بولادى. كوپ ۇزاماي ءيزرايلدىڭ ەجەلگى زاتتار باسقارماسىنا حابارلاستىق. سول كەزدە ساقينانى ساراپشىلار مۇقيات تەكسەرىپ, مينەرۆانىڭ بەينەلەنگەنىن ايتتى, – دەيدى ۋايتسون.
سولاي. جاعدايدى تىزبەكتەپ بەردىم. ەندى جوعارىداعى تاڭدانىسىما ورالايىن. كوبىنە ريم ميفولوگياسىنداعى مينەرۆانى گرەك قۇدايى افينامەن تەڭەستىرەدى. نەگىزىنەن مينەرۆا – سوعىس ءارى دانالىق قۇدايى. وسىنى زەرتتەپ وتىرىپ, كەيىنگى جىلدارى ءيزرايلدىڭ جاعدايى مەن ونىڭ باسىنا تۇسكەن كەزەڭدى ويلادىم. «قۇدايدىڭ» جۇزىگى تۋرا وسى ساتتە تەككە تابىلماعان بولار دەگەن وي ءتۇيدىم. مىنا عالام قىزىققا تولى عوي, شىركىن!
