فوتو: Polisia.kz
45 جاستاعى تۇرعىنعا قاتىستى ۆەيپتەردى ساتۋ فاكتىسى بويىنشا سوتقا دەيىنگى تەرگەۋ امالدارى باستالعان. كۇدىكتى ءوز كىناسىن تولىق مويىنداعان.
پوليتسەيلەر وسى جىلدىڭ 20 ماۋسىمىنان باستاپ قازاقستاندا شەگىلمەيتىن تەمەكى ونىمدەرىنىڭ, ەلەكتروندى تۇتىنۋ جۇيەلەرىنىڭ (ۆەيپتەردىڭ), ولار ءۇشىن حوش يىستەندىرگىشتەر مەن سۇيىقتىقتاردىڭ اينالىمىنا تىيىم سالىنعانىن ەسكە سالدى. ولاردى ءوندىرۋ, اكەلۋ, ساتۋ جانە تاراتۋ قازىرگى تاڭدا قىلمىستىق جاۋاپكەرشىلىككە اكەپ سوعاتىنىن اتاپ ءوتتى.
«بۇرىن وسىنداي ونىمدەردى ساتقان كاسىپكەرلەردى تاۋاردى جويۋ بويىنشا ءىس-شارالار جۇرگىزۋگە جانە ءوز بيزنەسىن قايتا باعدارلاۋعا شاقىرامىز», دەپ بيزنەس-قوعامداستىققا ءوتىنىش ءبىلدىردى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقباەۆ.
ايتا كەتەيىك, مۇنداي تىيىم سالىنعان ونىمدەردى ساتۋ جانە تاراتۋ 200 اەك-كە دەيىنگى مولشەردە ايىپپۇل سالۋعا نە تۇزەۋ جۇمىستارىنا نە 200 ساعاتقا دەيىنگى مەرزىمگە قوعامدىق جۇمىستارعا تارتۋعا نە 50 تاۋلىككە دەيىنگى مەرزىمگە قاماۋعا الۋ تۇرىندەگى جازا قاراستىرىلعان.
