قىرعىزستانداعى احۋالعا الاڭداۋشىلىق

كەشە ەقىۇ-نىڭ ءىس باسىنداعى توراعاسى, قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ گەرمانيا فەدەراتيۆتىك رەسپۋبليكاسىنىڭ ۆيتسە-كانتسلەرى – سىرتقى ىستەر ءمينيسترى گيدو ۆەستەرۆەللەمەن تەلەفون ارقىلى سويلەستى, دەپ حابارلادى قر ءسىم ءباسپاسوز قىزمەتى. اڭگىمەلەسۋشى تاراپتار قىرعىز­ستاننىڭ وڭتۇستىگىندەگى جاعدايدى جانە وسى ەلدىڭ ۋاقىتشا ۇكىمەتىنە كومەك كورسەتۋ ءۇشىن ەقىۇ اياسىندا قولعا الىنعان شارالاردى تالقى­لا­دى. قىرعىزستاندا ساقتالىپ وتىر­عان تۇراقسىزدىققا جانە ەلدىڭ باسقا وڭىرلەرىنە تارتىپسىزدىكتىڭ تارالۋ قاۋپىنە تەرەڭ الاڭداۋشىلىق ءبىل­دىر­گەن سۇحباتتاستار حالىقارالىق قو­عام­داستىق تاراپىنان دايەكتى دە ماقساتتى كومەك كورسەتۋ قاجەتتىگىن اتاپ كورسەتتى. اتاپ ايتقاندا, قىر­عىز­ستانداعى ەقىۇ, بۇۇ جانە ەو-نىڭ ارناۋلى وكىلدەرى ازىرلەگەن ءىس-ارەكەتتىڭ ارالىق جوسپارىن تولىق, ءتيىمدى دە دەر ۋاقىتىندا ىسكە اسىرۋ ماڭىزدى بولماق, وندا جەدەل كومەك كورسەتۋ ءۇشىن ءتورت باسىم سالا انىق­تالعان: قوعامدىق قاۋىپسىزدىك; گۋما­ني­تارلىق كومەك; وڭىرلىك قاۋىپ­سىز­دىك; قاقتىعىستان كەيىنگى قالپىنا كەلتىرۋ جانە ءبىتىستىرۋ. سۇحباتتاستار ءجار­دەمدەسۋدى الدەقايدا ءتيىمدى ءۇي­لەستىرۋ ماقساتىندا قىرعىزستان­داعى احۋال بويىنشا جۇيەلى كون­سۋل­تاتسيالار جۇرگىزىپ تۇرۋعا كەلىستى. ەكى ەلدىڭ سىرتقى ساياسي ۆەدومستۆولارىنىڭ باسشىلارى بۇدان كەيىن الداعى 16-17 شىلدەدە الماتىدا بولاتىن ەقىۇ سىرتقى ىستەر مينيسترلەرىنىڭ بەيرەسمي كە­ڭەسىنە ازىرلىك بارىسىن تالقىلادى, گ.ۆەستەرۆەللەنىڭ كەڭەسكە قاتىسا­تىن­دىعى بۇرىن قۋاتتالعان بو­لا­تىن. بۇل شارا ەقىۇ كەڭىستىگىندە ۇنقاتىسۋ مەن ءوزارا تۇسىنىستىكتى نىعايتۋدا ماڭىزدى قادام بولۋى تيىستىلىگى اتاپ كورسەتىلدى. ەكىجاقتى ىنتىماقتاستىقتىڭ جوعارى سەرپىندىلىگىن اتاپ وتكەن سۇحباتتاستار الداعى شىلدەدە استا­نا­دا بولاتىن پرەزيدەنت نۇرسۇلتان نازارباەۆ پەن كانتسلەر انگەلا مەركەلدىڭ كەلىسسوزدەرى قازاقستان-گەرمانيا قاتىناستارىن ستراتەگيا­لىق ارىپتەستىك دەڭگەيىنە شىعارا­تىنىنا سەنىم ءبىلدىردى. قازىرگى كەزدە گەرمانيانىڭ قا­زاق­ستانداعى جىلى ءوتىپ جاتقانى بەل­گىلى, ول ەكونوميكالىق جانە مادە­ني ومىردەگى كوپتەگەن وقيعالارمەن بەل­گىلى بولىپ وتىر. بۇل رەتتە 2010 جىل­دىڭ قاڭتار-ساۋىرىندە ەكىجاقتى ساۋدا كو­لەمى وتكەن جىلدىڭ سايكەس كەزە­ڭى­مەن سالىستىرعاندا 72 پايىزعا وسكەن.