فوتو: اقوردا
اگەنتتىك توراعاسى مەملەكەتتىك ستاتيستيكا مەن دەرەكتەردى باسقارۋ نەگىزدەرىن ينستيتۋتسيونالدىق تۇرعىدان كۇشەيتۋ تۋرالى باياندادى. ونىڭ ايتۋىنشا, ۇلتتىق ستاتيستيكا بيۋروسىنا اكىمشىلىك دەرەككوزدەرگە قاتىستى مەملەكەتتىك باقىلاۋ وكىلەتتىگى بەرىلدى. جىل سوڭىنا دەيىن توعىز مەملەكەتتىك ورگاننىڭ دەرەكتەر بازاسى ساپاسىنا باعالاۋ جۇرگىزىلەدى. بۇل اكىمشىلىك دەرەككوزدەرى ءۇشىن ساپا ستاندارتتارى مەن حالىقارالىق ادىستەمەنى قولدانۋعا كومەگىن تيگىزەدى.
مەملەكەت باسشىسىنا اگەنتتىكتىڭ اكىمشىلىك جانە بالامالى اقپارات كوزدەرىن بەلسەندى پايدالانۋدى ەسكەرە وتىرىپ, ستاتيستيكالىق قىزمەتتى قىسقا مەرزىمدى جوسپارلاۋدان ءۇش جىلعا دەيىنگى ورتا مەرزىمدى جوسپارلاۋعا كوشۋى جونىندە ايتىلدى.
جاندوس شايماردانوۆ اتالعان رەفورمالار ستاتيستيكالىق ەسەپتىلىكتى 2 ەسەگە دەيىن ازايتۋعا مۇمكىندىك بەرەتىنىن جانە دەرەكتەردىڭ ساپاسى مەن رەسمي ستاتيستيكاعا دەگەن سەنىمدى ارتتىراتىنىن جەتكىزدى.
كەزدەسۋ سوڭىندا پرەزيدەنت الەۋمەتتىك-ەكونوميكالىق رەفورمالاردى جان-جاقتى پىسىقتاۋدىڭ ماڭىزدى ەكەنىنە توقتالىپ, اگەنتتىك توراعاسىنا وسى باعىتتاعى جۇمىستاردى جالعاستىرۋدى تاپسىردى.
