ايشا ەسەت پەن ەۆا جۋركينانىڭ «digidaisies» كومانداسى كوحلەارلىق يمپلانتاتسيا وتاسىن وتكەن ءىشىنارا ەستۋ قابىلەتى ناشار بالالارعا ارنالعان قولدانبانىڭ ءپروتوتيپىن جاسادى. قولدانبا سويلەۋدى, سويلەۋ داعدىلارىن دامىتۋعا كومەكتەسەدى. جاتتىعۋ ءۇشىن قولدانبا بىرنەشە قۇرالدى ۇسىنادى. مىسالى, سويلەۋ گيمناستيكاسى, دىبىستىق ترەناجەر, ءارتۇرلى تەست. قولدانباداعى تەلەفون كامەراسى ارقىلى نىسانداردى تانۋ ءۇشىن قىزدار نەيروندىق جەلىنى پايدالانعان. تاڭعالارلىعى, قوسىمشانى قىزدار دوسىنا كومەكتەسكىسى كەلىپ جاساعان. ء«بىز بۇل جوبانى شىن جۇرەكتەن تاڭدادىق, ويتكەنى ءبىزدىڭ دوسىمىز ايلين بار. وكىنىشكە قاراي, ول تۋعاننان ەستىمەيدى جانە يمپلانتاتسيا وتاسىن جاساتتى. ءبىزدىڭ وعان كومەكتەسكىمىز كەلەدى», دەيدى ايشا.
«Technovation girls» باعدارلاماسى اقپاراتتىق تەحنولوگيالاردى مەڭگەرۋگە جانە جوبالاردى باسقارۋ, IT-كاسىپكەرلىك داعدىلارىن الۋعا قىزىعۋشىلىق تانىتاتىن 8-18 جاستاعى قىزدارعا ارنالعان. ونىڭ نەگىزگى مىندەتى – قىزداردىڭ IT-الەمگە دەگەن قىزىعۋشىلىقتارىن وياتۋ ءارى تەحنولوگيا الەمدى جاقسى جاققا وزگەرتۋدىڭ ءتيىمدى قۇرالى بولا الاتىنىن كورسەتۋ.
– ەگەر ءسىز IT-دا دامىعىڭىز كەلسە, سول قىزىعۋشىلىق تانىتقانداردىڭ ورتاسىن تابۋ وتە ماڭىزدى, ويتكەنى سىزبەن ورتاق مۇددەلەرى بار ادامدارمەن بايلانىس جاساۋ – ناتيجەنىڭ العاشقى باسپالداعى, – دەيدى باعدارلامانىڭ تالىمگەرى جانە ياندەكس تاكسيدەگى اعا تەستىلەۋ ينجەنەرى ميلا بادۋ.
بيىل ەلىمىز بۇل تەحنولوگيالىق بايقاۋدا بۇكىل الەم بويىنشا بەرىلگەن وتىنىمدەر سانىنان ۇزدىك ۇشتىكتىڭ قاتارىنا ەندى. ناقتىراق ايتار بولساق, 2 345 قىز بايقاۋعا ءوتىنىش بەرگەن. بۇل – ەلىمىز ءۇشىن رەكوردتىق سان.
8 جىل ىشىندە قازاقستاننان بارعان كوماندالار فينالعا 6 رەت شىقتى. ال 2017 جىلى وتانداستارىمىز 63 باسقا ەلدىڭ ىشىنەن گران-پري جەڭىپ الدى. وسى جىلى دا كىشكەنتاي بالدىرعاندارىمىزعا ساتتىلىك تىلەيمىز!
