ۋتيلالىمعا قاتىستى ءۋاج

ونەركاسىپ جانە قۇرىلىس مينيستر­لىگى ينتەگراتسيا جانە حالىقارالىق ىنتىماقتاستىق دەپارتامەنتىنىڭ ديرەكتورى ادىلبەك بەكتىباەۆ پەتيتسيا­دا جەڭىل اۆتوكولىكتەر (م1 ساناتى) ۋتيلالىمىنىڭ مولشەرىن 100 مىڭ تەڭگەگە دەيىن جانە اۆتوكولىكتىڭ قال­عان ساناتتارىنا 0 تەڭگەگە دەيىن تومەن­دەتۋ, اۋىل شارۋاشىلىعى تەحنيكاسى ۋتيلالىمىن تولىعىمەن جويۋ, كولىك قۇرالدارىنىڭ باستاپقى تىركەۋ مولشەرلەمەسىن 0,25 ايلىق ەسەپتىك كورسەتكىشكە دەيىن تومەندەتۋ تۋرالى ايتىلعانىنا توقتالدى.

ونىڭ سوزىنشە, جۇمىس توبى «كاماز ينجينيرينگ», «قازروست ينجينيرينگ», «كايك», «Hyundai Trans Almaty», «Hyundai Trans Kazakhstan», «سەماز», «Daewoo Bus Kazakhstan», «متز قازاق­ستان», «اگروماشحولدينگ KZ», «سارى­ارقااۆتوپروم» زاۋىتتارىنا باردى.

ول سونداي-اق بەلسەندىلەردىڭ «ۋتيل­الىم وليگارحتاردىڭ قالتاسىنا تۇسەدى» دەگەن ءسوزىن جوققا شىعاردى. وقم وكىلىنىڭ ايتۋىنشا, «جاسىل دامۋ» اق بارلىق قىزمەت تۋرالى ەسەپتى, سونىڭ ىشىندە اۋديتتەن وتكەن قارجىلىق ەسەپتىلىكتى جاريالايدى. جالپى, جۇمىس توبى پەتيتسيادا باياندالعان ۋاجدەر مەن تالاپتاردى قاراستىرعان. ول بويىنشا ءتيىستى مەملەكەتتىك ورگاندار تاراپىنان ناقتى ارگۋمەنتتەر دە ۇسىنعان.

ءا.بەكتىباەۆ پەتيتسيانى قاراس­تىرۋ بارىسىندا شىعۋ تەگى بەيمالىم ءارتۇرلى ستاتيستيكالىق مالىمەتتى پايدا­لانا وتىرىپ, ۋتيلالىمدى ەنگىزۋ اۆتوكولىك, اۋىل شارۋاشىلىعى تەحنيكاسى مەن ارنايى تەحنيكا باعاسىنىڭ كۇرت وسۋىنە, سونداي-اق اۆتوكولىك پاركىنىڭ ەسكىرۋىنە الىپ كەلدى دەگەن ۋاجدەر كەلتىرىلگەنىن اتاپ ءوتتى .

دەپارتامەنت ديرەكتورىنىڭ ايتۋىنشا, قارسى تاراپتىڭ كەلتىرىپ وتىرعان دەرەكتەرىنىڭ ءبارى 5-6 جىل بۇرىنعى ستاتيستيكالاردان الىنعان.

«بۇل ءۋاجدىڭ بارلىعى شىن­دىققا جاناسپايدى. ۇلتتىق ستاتيستيكا بيۋروسىنىڭ دەرەكتەرى­نە ساي 2015 جىلدىڭ باسىنداعى جاعداي بويىنشا (ۋتيلالىم مەن باستاپقى تىركەۋ الىمى ەنگىزىلگەنگە دەيىنگى ءبىر جىلدا) ەلدە جەڭىل اۆتوكولىكتەر پاركى 4 ملن بىرلىكتى قۇراعان. قولدانىس مەرزىمى 10 جىلدان اسقاندارى – 72,5% جانە قالعان 8,2%-ى – 3 جىلعا دەيىنگىلەر. 2022 جىلدىڭ باسىنا (ۋتيل­الىم مولشەرلەمەسى 50%-عا تومەندەگەنگە دەيىن) جەڭىل اۆتو­كولىكتەر پاركىندە پايىز­دار ۇلەسىنىڭ كورسەتكىشى وڭ وزگە­رىسكە بەت بۇرعان. ماسەلەن, قولدانىس مەرزىمى 3 جىلعا دەيىن­گى اۆتوكولىكتەر ۇلەسى 8,2%-دان 13,6%-عا دەيىن ءوستى, ال 10 جىلدان اسقان اۆتوكولىكتەردىڭ ۇلەسى 73%-دان 63%-عا دەيىن تومەندەدى», دەيدى.

الايدا كولىك قۇرالدا­رىن زاڭداستىرۋ شارالارى اۆتوكو­لىك پاركى قۇرىلىمىنا كەرى اسەرىن تيگىزىپتى. ماسەلەن, تەك 2023 جىلى ەلىمىزدە العاش رەت قولدانىس مەرزىمى 2 جىلدان اسقان 334 مىڭنان استام اۆتوموبيل ەسەپكە قويىلعان. ونىڭ 285 مىڭىنىڭ قولدانىس مەرزىمى 10 جىلدان اسقان ەكەن. ىشكى ىستەر مينيسترلىگى ەسەبىنە سايكەس, قولدانىس مەرزىمى ەكى جىلدان اساتىن اۆتوكولىك باس­تاپقى تىركەۋ سانى ۋتيلالىم جانە باستاپقى تىركەۋ ەنگى­زىلگەننەن كەيىن قىسقارعان.

اۋىل شارۋاشىلىعى ۆيتسە-ءمينيسترى ازات سۇلتانوۆتىڭ ايتۋىنشا, قازىر اۋىل شارۋا­شىلىعى تەحنيكاسىنىڭ 80%-ىن وتاندىق كاسىپورىندار قۇراستىرىپ جاتىر. ولاردىڭ ۋتيلالىمعا ەش قاتىسى جوق. ال شەتەلدەن اكەلىنەتىن 20%-عا جۋىق تاڭداۋلى تەحنيكانىڭ جىلى جاڭا بولسا, ودان الىناتىن باستاپقى تولەم مەن ۋتيل-
الىم دا اسا كوپ بولمايدى.

قوعامدىق تىڭداۋدىڭ قورى­تىندىسى بويىنشا ءا.بەكتىباەۆ پەتيتسيا شەشىمىنىڭ الدىن الا جوباسىن ۇسىندى. «پەتيتسيادا كورسەتىلگەن ۋاجدەردىڭ شىن­دىققا جاناسپايتىنىن ەسكە­رە وتىرىپ, سونداي-اق شە­شىم جوباسىن جاريا تالقى­لاۋ بارىسىندا قوسىمشا نەگىز­دەمەلەر ۇسىنىلماعانىن ەسكەرە وتىرىپ, پەتيتسيانى قا­ناعاتتاندىرۋدان باس تارتۋ ۇسىنىلادى. تۇپكىلىكتى شە­شىم اكىمشىلىك راسىمدىك-پرو­تسەستىك كودەكستىڭ 90-6-بابىندا بەلگىلەنگەن تارتىپپەن جانە مەرزىمدە قابىلداناتىن بولادى», دەپ تۇيىندەدى ول.