جەلىدە ەكى بالاسىن ولتىرگەن ايەلدىڭ جاۋاپ الۋ كەزىندەگى ۆيدەوسى تاراپ كەتتى. تەرگەۋ كەزىندەگى بەينەجازبانىڭ ءۇزىندىسى HolaNews Telegram كانالىندا جاريالاندى.
ايتا كەتەيىك, شيەلى اۋدانىنداعى مەكتەپتەردىڭ بىرىندە جۇمىس ىستەگەن 31 جاستاعى ايەل 6 اقپاندا ەشكىمگە ەسكەرتپەستەن, ۇيىنەن ەكى بالاسىن الىپ, تۇركىستان قالاسىنا كەتىپ قالعان. ەرتەڭىنە, جالدامالى پاتەردە 2 بالاسىن جاستىقپەن تۇنشىقتىرىپ ولتىرگەن. ول بۇل قادامعا كۇيەۋىمەن ۇرسىپ قالعان سوڭ, بارعان.
تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى تۇركىستان قالاسىندا «ەكى بالاسىن تۇنشىقتىرىپ ءولتىردى» دەگەن ايىپ تاعىلعان 31 جاستاعى بوتا حاميتقىزىنا 15 جىل تۇرمە جازاسىن كەستى. ول جازاسىن قاۋىپسىزدىگى ورتاشا تۇزەۋ مەكەمەسىندە وتەيدى.
