فوتو: Polisia.kz
Polisia.kz مالىمەتىنشە الماتى وبلىسىنىڭ اۋماعىندا قاراسورا ءوسىرۋ فاكتىسى انىقتالعان. تاركىلەنگەن ەسىرتكىنىڭ جالپى سالماعى 12 توننادان اسادى. اقتوبە وبلىسىندا زەرتحانالىق جاعدايدا جاسىرىن ەسىرتكى ءوندىرىسىن ۇيىمداستىرعان جەرگىلىكتى تۇرعىننان 3 كەلىدەن استام مەفەدرون تاركىلەنگەن.
قىزىلوردا وبلىسىندا اۆياتسيالىق تەكسەرۋ ارقىلى ەسىرتكىنى زاڭسىز ءوسىرۋ فاكتىسى انىقتالدى. ەكى ەسىرتكى ساتۋشى انىقتالىپ, ولاردان جارتى توننادان استام ماريحۋانا تاركىلەندى. جامبىل وبلىسى رىسقۇلوۆ اۋدانىنان 130 شاقىرىم جەردە 56 كەلى ماريحۋانا دايىنداعان ازامات ۇستالدى.
استانا تۇرعىنىنىڭ پاتەرىن ءتىنتۋ كەزىندە 1,5 كەلىدەن استام مەفەدرون تابىلدى. تەمىرتاۋدا 22 جاستاعى ەسىرتكى تاراتۋشى ۇستالىپ, ودان 350 گرامم دوزا بولاتىن 300 ورام مەفەدرون تاركىلەندى.
بارلىق فاكتىلەر بويىنشا سوتقا دەيىنگى ءىس جۇرگىزۋ باستالدى. جوعارىدا كورسەتىلگەن قىلمىستار ءۇشىن مۇلكى تاركىلەنىپ, 5 جىلدان 15 جىلعا دەيىن باس بوستاندىعىنان ايىرۋ تۇرىندەگى جازا كوزدەلەدى.
