جوبا ماقساتى – اۋىل تۇرعىندارىن سۋدا جۇزەتىن قۇستاردى ءوسىرۋ تەحنولوگياسىنا ۇيرەتۋ, اۋىل جۇرتىنىڭ تابىسىن ارتتىرۋ, بولاشاقتا كووپەراتسيا قۇرۋ. جوبا اياسىندا ءار وتباسى 160 قاز بەن 125 كيلو قۇراما جەم الىپ, 5 ايدان سوڭ, ياعني قاراشا-جەلتوقسان ايلارىندا استانا قالاسىنىڭ ينۆەستور-تۇرعىندارىنا تازا سالماعى 4,4 كيلودان كەم ەمەس ءاربىر ءتورتىنشى قازدى كەرى اكەلىپ تاپسىرادى. وسىلايشا, جوباعا قاتىسۋشى ينۆەستورلارعا 160 وسكەلەڭ قاز بالاپانىنان جالپى سالماعى 176 كيلو تازا ەتتى قۇرايتىن 40 قازدى عانا قايتارادى. قالعان 120 قاز جوباعا قاتىسۋشىدا قالادى. قاز كۇتىمىن جاساي بىلسە, 5 ايدا شامامەن 1 ملن تەڭگە تابىس تابۋ مۇمكىندىگى بار.
بولاشاقتا اقكول اۋدانىندا ينكۋباتسيالىق جۇمىرتقا ءوندىرۋ, ينكۋباتوري, مال ازىعى تسەحى, سويۋ تسەحى, سويىلعان ءونىمدى, مامىق پەن قاۋىرسىندى قايتا وڭدەۋ, ەتتى كونسەرۆىلەۋ ءۇشىن قاز فەرمالارىن قۇرۋ جوبالارىن قولعا الۋ جوسپارلانعان. بيزنەستىڭ جوعارىدا اتالعان بارلىق باعىتى بولاشاقتا اقكول اۋدانىندا «قاز حابىن» قۇرۋعا ىقپال ەتپەك.
