فوتو: وزبەكستان بوكس فەدەراتسياسى
پاريج وليمپياداسىنىڭ ىرىكتەۋ كەزەڭى اياقتالدى.
الەم ەلدەرىنەن ءتورت جىلدىقتىڭ باستى باسەكەسىنە ەڭ كوپ اقش-تان - 592 سپورتشى باق سىنايدى.
ودان كەيىنگى ورىندا فرانتسيا تۇر. بۇل ەلدەن 587 اتلەت وليمپيادا جۇلدەسىنە ۇمىتكەر. ال ۇزدىكتەردىڭ ۇشتىگىن 468 وليمپيادا جولداماسىنىڭ يەگەرى بار اۋستراليا تۇيىندەيدى.
توپ - وندىق قۇرامىندا:
گەرمانيا - 425;
جاپونيا - 411;
قىتاي - 398;
يسپانيا - 382;
يتاليا - 366;
ۇلىبريتانيا - 327;
كانادا - 318 سىندى ەلدەردىڭ سپورتشىلارى بار.
ال قازاقستان 80 سپورتشىمەن 38-ورىنعا جايعاسقان. وزبەكستان قۇراماسى بىزدەن ءبىر ساتى جوعارىدا. پاريج وليمپياداسىندا كورشى ەل نامىسىن 86 اتلەت قورعايدى.
بۇگىنگە دەيىن 65 ەلگە پاريج جولداماسى بۇيىرماي تۇر.
