جاڭارتىلعان سايلاۋ جۇيەسى ءتۇسىندىرىلدى

سەمينار-كەڭەستەر جەرگى­لىكتى سايلاۋ كوميسسيالارى مۇشە­لەرىنىڭ سايلاۋ جانە رەفەرەندۋم تۋرالى زاڭنا­مانى تەستىلەۋدەن باستالدى. تەستىلەۋ ناتيجەلەرى بويىنشا ن.ءابدىروۆ سايلاۋ ناۋقان­دارىن اقپاراتتىق سۇيەمەلدەۋ جانە تاعايىنداۋ, اكىمدەر مەن ءماسليحاتتار دەپۋ­تات­تىعىنا كانديداتتاردى ۇسىنۋ جانە تىركەۋ, كانديداتتار مەن ساياسي پارتيالاردىڭ سەنىم بىل­دىرىلگەن ادامدارىنىڭ, بايقاۋ­شىلارىنىڭ قۇقىقتارى مەن مىن­دەت­تەرى, سايلاۋ الدىنداعى ۇگىت, داۋىستاردى ساناۋ, سايلاۋ مەن رەفەرەندۋمدار قورىتىن­دى­ل­ارىن شىعارۋ ماسەلەلەرىنە قاتىس­تى وقىتۋ جۇرگىزۋدى تاپسىردى.

كەڭەس بارىسىندا وسك تور­­اعا­سى سايلاۋ جۇيەسىندەگى اۋقىمدى وزگەرىستەردى اتاپ ءوتىپ, 2025 جىلدان باستاپ اۋدان اكىم­دەرىن سايلاۋعا جانە بيىل كۇزدە شىعىپ قالعانداردىڭ ورنىنا ءماسليحاتتاردىڭ دەپۋتاتتارىن سايلاۋعا بايلانىستى ماسەلەلەردى ەگجەي-تەگجەي ءتۇسىندىردى.

سونىمەن قاتار كەڭەستە ماتەريالدىق-تەحنيكالىق جا­راقتان­دىرۋ, مۇگەدەكتىگى بار ادامداردىڭ سايلاۋ قۇقىقتا­رىن قامتاماسىز ەتۋ, سايلاۋ سالا­سىنداعى شەتەلدىك تاجىري­بە ماسە­لەلەرى تالقىلانىپ, «رەسپۋب­ليكالىق رەفەرەندۋم تۋرالى» كونستيتۋتسيالىق زاڭعا ەن­گىزىلگەن وزگەرتۋلەر مەن تولىق­تىرۋلار ءتۇسىندىرىلدى. وسك-نىڭ ستراتەگيالىق پەرسپەكتيۆالارى مەن باسىمدىقتارىنا توقتالعان ن.ءابدىروۆ: «باس­تى باسىمدىعىمىز – سايلاۋ­شىلاردىڭ سەنىمى», دەدى.

اۋدانداردىڭ جاس سايلاۋشىلارىمەن كەزدەسۋلەردە وسك باسشىسى قازاقستاننىڭ جاڭار­تىلعان سايلاۋ جۇيەسى­نىڭ ەرەكشەلىكتەرى, سايلاۋ سالا­سىن­داعى وزەكتى ترەندتەر مەن حالىقارالىق تاجىري­بە, باسقا ەلدەردەگى ساي­لاۋلار مەن رەفەرەندۋمداردى وسك حالىقارالىق بايقاۋى تۋرالى ايتتى. كەز­دەسۋلەرگە قاتىسۋشىلار سايلاۋ تاقىرىپتارىنا قاتىستى بەل­سەن­دى پىكىرتالاس وتكىزدى. اۋىل جاستارى قىزىقتى پىكىر اي­تىپ, ءتۇرلى سۇراقتار قويدى. ماسە­لەن, جارما اۋدانىنىڭ جاس مامانى ءا.مەيىرجان ۇلى باسقا ەلدەردىڭ ورتالىق سايلاۋ ورگاندارى اراسىنداعى ىنتىماقتاستىقتى كەڭەيتۋ ماسەلەلەرىنە قىزىعۋشىلىق تانىتسا, بەسقاراعاي اۋدانىندا جاس زاڭگەر ا.انتونوۆا ماجار ەلىن ۇلگى ەتە وتىرىپ, 16 جاستان باس­تاپ داۋىس بەرۋدى ەنگىزۋدىڭ ورىن­دىلىعى تۋرالى سۇراق قويدى. ا.مياتوۆا داۋىس بەرۋ كەزىندە ستۋدەنتتەردى ىقتيمال قىسىمنان قورعاۋ ادىستەرى تۋرالى سۇرادى. جاس وقىتۋشى س.ىس­قاقوۆا سايلاۋشىلار ءۇشىن داۋىس بەرۋدىڭ بالامالى تۇرلەرىن ەنگىزۋ­دىڭ ماڭىزدىلىعى تۋرالى ايتىپ, ولاردىڭ, اسىرەسە قاريا­لارعا ىڭعايلىلىعىن اتاپ ءوتتى.

كەزدەسۋدە جاستار سايلاۋ سالاسىنىڭ وزەكتى ماسەلەلەرى جايىندا داستۇرگە اينال­عان ونلاين-ساۋالناماعا بەل­سەندى قاتىستى. ال بەلسەن­دى قاتىسۋشىلارعا «قر سايلاۋ تۋرالى» كونستيتۋتسيالىق زاڭ­عا تۇسىنىكتەمە, «ورتالىق سايلاۋ كوميسسياسىنا – 30 جىل. قازاقستاننىڭ سايلاۋ جۇيەسىنىڭ ترانسفورماتسياسى» اتتى مونوگرافيا, 2012-2023 جىلدار ارالىعىندا وتكىزىلگەن سايلاۋ جانە رەفەرەندۋمدار تۋرالى اقپاراتتىق جيناعىنىڭ ەكىنشى تومى تاپسىرىلدى.