رينات زايىتوۆتىڭ دەپۋتاتتىق ساۋالىنان جالعان اقپارات شىقتى

رينات زايىتوۆ پرەزيدەنت قاسىم-جومارت توقاەۆ ءوزىنىڭ حالىققا جولداۋىندا وتاندىق ءونىمدى دامىتۋ جونىندە ناقتى تاپسىرمالار بەرگەنىن اتاپ ءوتىپ, وكىنىشكە قاراي, ۇلتتىق ءونىم وندىرۋشىلەرىن قولداۋ باعىتىندا ناقتى شارالار قابىلدانباعانىن تىلگە تيەك ەتتى.

«كەرىسىنشە, وتاندىق وندىرۋشىلەردى بارىنشا اياقتان شالىپ, ىلگەرى باستىرماي جاتقان بيۋروكراتيا مەن زاڭسىزدىقتارعا ءجيى كۋا بولىپ ءجۇرمىز! اتاپ ايتار بولساق, سولاردىڭ ءبىرى – قازىرگى تاڭدا بانكروت بولۋعا شاق قالىپ وتىرعان «BSB Trade» كاسىپورنى. تارقاتىپ ايتسام, 2022 جىلى تاپسىرىس بەرۋشى رەتىندە قازاقستاننىڭ قورعانىس مينيسترلىگى ءونىم بەرۋشى رەتىندە «BSB Trade» كومپانياسىمەن كومپيۋتەرلەرمەن قامتاماسىز ەتۋ جونىندە 724 ميلليون تەڭگەگە جۋىق قاراجات كولەمىندە شارت جاساسقان», دەدى دەپۋتات.

ونىڭ ايتۋىنشا, تاپسىرىس اياسىندا كومپانيا مينيسترلىككە 2 368 ارنايى كومپيۋتەر بەرگەن.

«بىراق تاپسىرىس بەرۋشى «BSB Trade» كومپانياسىنا تالاپتى كۇشەيتىپ, تاۋاردى قابىلداۋدان باس تارتقان. شارت «الماتى قالاسىنىڭ سوت ساراپتاماسى ينستيتۋتى» جانە «اتامەكەن» ۇكپ-نىڭ وڭ قورىتىندىسىنا قاراماستان, تاپسىرىس بەرۋشى تاراپىنان بۇزىلعان. بۇل جاعدايدىڭ ەڭ قيىنى, تاپسىرىس بەرىلگەن 2 368 كومپيۋتەر ارنايى اقپاراتتىق قاۋىپسىزدىكتى ساقتاۋ ماقساتىندا جابدىقتالعاندىقتان, كوپتەگەن ەرەكشەلىگىنە بايلانىستى جالپى قولدانىسقا جارامسىز. ال بۇل دەگەنىمىز – ولاردى باسقا جاققا ساتۋ مۇمكىن ەمەس دەگەن ءسوز. ەرەكشە تاپسىرىستى ورىنداپ, دالادا قالعان «BSB Trade» كومپانياسى زاڭدى قۇقىعىن قورعاۋدا ادىلدىك تابا الماي, مەمورگانداردىڭ بوساعاسىن توزدىرىپ ءجۇر. سالدارىنان كومپانيانىڭ جۇمىسى توقتاپ, 150 ادام جۇمىسسىز قالدى», دەدى ماجىلىسمەن.

بۇل مالىمدەمە ۇكىمەت باسشىلىعىن دۇرلىكتىرگەن ەدى. ءماجىلىس دەپۋتاتى كوتەرگەن «كومپيۋتەر داۋىن» بىرنەشە قۇزىرلى ورگان تەكسەرگەن. اقىرى دەپۋتات كەلتىرگەن دەرەك جالعان بولىپ شىققان.

بۇل تۋرالى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ  ماجىلىسكە جولداعان جاۋابىندا ءمالىم ەتتى.

قارجىلىق مونيتورينگ اگەنتتىگىنىڭ اقپاراتىنا سۇيەنسەك, «BSB Trade» كومپانياسىندا 150 جۇمىسكەر جوق, تەك 7 جالدامالى جۇمىسكەر تىركەلگەن. سونداي-اق وندا م ۇلىكتىڭ بارى دا انىقتالماعان.

«قازاقستاننىڭ قارۋلى كۇشتەرىنىڭ مۇقتاجى ءۇشىن كومپيۋتەر ساتىپ الۋ ماسەلەسى تۋرالى دەپۋتاتتىق ساۋال قارالدى. بۇل رەتتە 2022 جىلى 2 368 جيىنتىق كومپيۋتەر مەن قوسالقى كەرەك-جاراق ساتىپ الىنعانى دا راستالمادى. قورعانىس مينيسترلىگىنىڭ اقپاراتى بويىنشا 2022 جىلعى 30 قاراشادا «BSB Trade&Advertising» جاۋاپكەرشىلىگى شەكتەۋلى سەرىكتەستىگى مەن قورعانىس مينسترلىگى اراسىندا جالپى سوماسى 729 344 000 تەڭگەگە 2 368 جيىنتىق كومپيۋتەر جەتكىزۋگە مەملەكەتتىك قورعانىستىق تاپسىرىس شارتى جاسالعان. سوندا جەتكىزۋ مەرزىمى – قازىناشىلىق ورگانىندا تىركەلگەن ساتتەن باستاپ 15 كۇنتىزبەلىك كۇن ىشىندە دەپ بەلگىلەنگەن. بىراق قورعانىس مينيسترلىگى كوميسسياسىنىڭ قابىلداۋى بارىسىندا تەحنيكالىق ەرەكشەلىك تالاپتارىنا سايكەسسىزدىك انىقتالدى», دەدى ۆيتسە-پرەمەر.

قورعانىس مينيسترلىگى بۇل جاعداي تۋرالى كومپانيانى 2022 جىلدىڭ 19 جەلتوقسانىندا بەلگىلەنگەن تارتىپپەن حاباردار ەتكەن. حابارلاماعا سايكەسسىزدىكتىڭ انىقتالعانىن راستايتىن اكت قوسا بەرىلگەن.

«وسىعان بايلانىستى قورعانىسمينى تاۋاردى قابىلداۋدان باس تارتتى جانە 2022 جىلعى 20 جەلتوقساندا سەرىكتەستىكپەن اراداعى شارت بىرجاقتى تارتىپپەن بۇزىلدى. سونداي-اق ونداي ءونىمدى جەتكىزگەن «BSB Trade&Advertising» جشس-ءىن مەملەكەتتىك ساتىپ الۋلاردىڭ جوسىقسىز قاتىسۋشى دەپ تانۋ جانە ودان تۇراقسىزدىق ايىپپ ۇلىن ءوندىرىپ الۋ ءۇشىن سوتقا تالاپ-ارىز جىبەرىلدى. استانا قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 8 اقپانداعى شەشىمىنە سايكەس, جشس مەملەكەتتىك ساتىپ الۋلارعا جوسىقسىز قاتىسۋشى دەپ تانىلدى. سوت كومپانيانىڭ قارسى تالاپتارىن قابىلداعان جوق», دەدى نۇرلان بايبازاروۆ.

نۇرلان بايبازاروۆتىڭ ايتۋىنشا, ماجىلىسمەننىڭ دەپۋتاتتىق ساۋالىندا ايتىلعان دالەلدەردى بۇرىن سوت ينستانتسيالارى قاراپ جانە وعان تۇبەگەيلى قۇقىقتىق باعا بەرىلگەن.

«بۇل ماسەلەگە بايلانىستى استانا قالاسى سوتىنىڭ ازاماتتىق ىستەر جونىندەگى سوت القاسى 2023 جىلعى 14 شىلدەدە قاۋلى شىعاردى. وندا ول ءبىرىنشى ينستانتسياداعى سوتتىڭ اتالعان جشس-ءىن مەملەكەتتىك ساتىپ الۋلارعا جوسىقسىز قاتىسۋشى دەپ تانۋ جانە ودان تۇراقسىزدىق ايىپپ ۇلىن ءوندىرىپ الۋ بولىگىندەگى شەشىمىن جويدى, بىراق قالعان بولىگىندەگى شەشىم وزگەرىسسىز قالدىرىلدى. جوعارعى سوتتىڭ ازاماتتىق ىستەر جونىندەگى سوت القاسىنىڭ 2023 جىلعى 23 قازانداعى قاۋلىسىمەن جشس-ءنىڭ كاسساتسيالىق تارتىپپەن قاراۋ ءۇشىن بەرگەن ءوتىنىشحاتى قابىلدانعان جوق», دەپ ناقتىلادى نۇرلان بايبازاروۆ.

Inbusiness.kz-كە سىلتەمە جاساپ.