فوتو:اشىق دەرەككوز
مەرەكەگە وراي استانادا 100-گە جۋىق ءتۇرلى ءىس-شارالار وتكىزىلەتىنى حابارلاندى.
6 شىلدەدە ەكسپو كورمەسىندە شامامەن 22:15 – 22:30 ارالىعىندا دروندار شوۋى وتەدى.
قازاقستان مادەنيەتىنىڭ اپتالىعى:
- ەسىل وزەنىنىڭ جاعالاۋىندا قازاقستان مادەنيەتىنىڭ اپتالىعى اشىلدى. مۇندا 8 شىلدەگە دەيىن ءتۇرلى تاقىرىپتىق ءىس-شارالار ۇيىمداستىرىلادى.
- ينتەراكتيۆتى ءىس-شارالار مەن ۇلتتىق ويىنداردان جارىستار: ءسىز «قازاقشا لايك» ويىنىنا قاتىسىپ, قازاقتىڭ ءداستۇرلى ويىندارىندا ءوز باعىڭىزدى سىناي الاسىز.
- كينوشوۋ. «مەنىڭ اتىم قوجا» سىندى كوركەم جانە انيماتسيالىق فيلمدەردىڭ كورسەتىلىمى.
- ەتنواۋىل. كيىز ۇيدە ۇلتتىق كيىمدەر مەن ونەر كورمەسى.
- كونتسەرت. «جوشى» سىندى ەتنو-فولكلورلىق انسامبلدەردىڭ ونەر كورسەتۋى.
6 شىلدە كۇنى وتەتىن ءىس-شارالار:
- 11:00 جانە 15:00-دە ەلوردا تۇرعىندارى مەن قوناقتارى ءۇشىن قالا اۋداندارىندا «استانا – جۇرەگىم» كونتسەرتى وتەدى. وندا ءمادي قادىروۆ, گۇلنۇر ورازىمبەتوۆا, دوسىمجان تاڭاتاروۆ, مەدەت پەن كلارا سالىقوۆتار, باۋىرجان يساەۆ جانە باسقا دا قازاق ەستراداسىنىڭ ارتىستەرى ونەر كورسەتەدى.
- 18:00-دە ەكسپو الاڭىندا اشىق اسپان استىنداعى OPEN AIR مەرەكەلىك كونتسەرتى وتەدى. كونتسەرتتە Ninety one, وردا, رايىم, سادراددين, كاليفارنيا, نازيما, الفا, ت'وي, يمزي, قۇرماش ماحان, دجازداۋرەن جانە باسقا ونەرپازدار ءان سالادى.
- 18:30-دا ەركەعالي راحماديەۆ اتىنداعى مەملەكەتتىك اكادەميالىق فيلارمونياسىنىڭ كونتسەرت زالىندا «الداراسپان مەن شانشار» كونتسەرتى وتەدى.
- 20:00-دە امفيتەاتردا ەركەعالي راحماديەۆ اتىنداعى مەملەكەتتىك اكادەميالىق فيلارمونيا ارتىستەرىنىڭ قاتىسۋىمەن «استانا – ارمان قالا» مەرەكەلىك كونتسەرتىن تاماشالاۋعا بولادى. وعان مايرا ءىلياسوۆا, قانات جانە سۆەتا ايتباەۆا, ارايلىم راحىمقىزى, گۇلنۇر ورازىمبەتوۆا, زارينا وماروۆا, مۇراتبەك حايرولدا, فاريدا جولداسوۆا, اكىمحان ماجەنوۆ, التىنشاش مۇقاتاەۆا, سونىمەن قاتار DJ Dake جانە Alem زاماناۋي بي بالەتى قاتىسادى.
7 شىلدە كۇنى وتەتىن ءىس-شارالار:
- ەكسپو الاڭىندا دومبىرا كۇنىنە ارنالعان مەرەكەلىك شوۋ-كونتسەرت وتەدى. ەلوردا قوناقتارى مەن تۇرعىندارى «قورقىت» ەتنو-فولكلورلىق ءانسامبلى, Made in KZ توبى, يبراگيم ەسكەندىر جانە «التىن دومبىرا» بالالار شىعارماشىلىق ورتالىعى, Assyl, Qalifarniya, Qanay جانە اقتوتا بولشوۆا توبىنىڭ ونەرلەرىن تاماشالاي الادى.
- 19:30-دا ەركەعالي راحماديەۆ اتىنداعى مەملەكەتتىك اكادەميالىق فيلارمونياسىنىڭ كونتسەرت زالىندا ەلگە تانىمال ارتىستەر قايرات نۇرتاس, قازىبەك قۇرايىش جانە ميراس جۇگىنىسوۆتىڭ قاتىسۋىمەن كونتسەرت وتەدى.
8 شىلدە كۇنى ساعات 19:00-دە «جاستار» سارايىندا استانا مەن نۋسانتارا قالا كۇنىن مەرەكەلەۋگە وراي بىرلەسكەن مەرەكەلىك كونتسەرت وتكىزەدى.
فەستيۆالدار مەن جارمەڭكەلەر:
- 6 جانە 7 شىلدەدە ساعات 12:00-دە حالىقارالىق كوشە تەاترلارى فەستيۆالىنە قاتىسۋشىلاردىڭ شەرۋى وتەدى. ول قالا الاڭىنان باستالىپ, ورتالىق ساياباقتا اياقتالادى.
- 6, 7 جانە 8 شىلدەدە ساعات 12:00-دەن باستاپ ورتالىق ساياباقتا مەrەكە street ازاماتتارعا ارنالعان وتباسىلىق مەرەكەلىك فەستيۆال وتەدى.
- 6-8 شىلدە ارالىعىندا ساعات 14:00-دەن 22:00-گە دەيىن نۇرجول بۋلۆارىندا, «كەرۋەن» ساۋدا ويىن-ساۋىق ورتالىعىنا قاراما-قارسى ورنالاسقان Garage Fest اتتى ۇلكەن جازعى جارمەڭكە بولادى.
سپورتتىق ءىس-شارالار:
- 7 شىلدە كۇنى ساعات 10:00-دە «ارعىماق» ات-ساۋىقتىرۋ كەشەنىندە سەكىرۋدەن قالالىق تۋرنير وتەدى. اتتار مەن شاباندوزدار قيىندىعى مەن بيىكتىگى ءارتۇرلى 7 جولدا ءوز ونەرلەرىن كورسەتەدى.
- 8 شىلدە كۇنى ساعات 10:00-دە استانا-تالاپكەر تاسجولىنىڭ بويىنداعى ەلوردالىق يپپودرومدا بايگەدەن «ەلوردا كۋبوگى» رەسپۋبليكالىق ءتۋرنيرى وتەدى. جارىس باعدارلاماسىنا 7 شاقىرىمدىق قۇنان مەن جورعا, 15 شاقىرىمدىق شىڭ, 22 شاقىرىمدىق الامان بايگە كىرەدى.
