فوتو: elements.envato.com
Telegram-ارنالاردا تاراعان مالىمەت بويىنشا ەسىكتەگى جانار-جاعارماي قۇيۋ بەكەتىندە ەكى ەر ادام جانجالداسىپ قالعان. ەر ادام 1995 جىلى تۋعان جىگىتكە بىرنەشە جەرىنەن پىشاق جاراقاتىن سالعان. جابىرلەنۋشى سول جەردە كوز جۇمعان.
الماتى وبلىستىق پوليتسيا دەپارتامەنتىنىڭ ءباسپاسوز قىزمەتى وقيعاعا قاتىستى تۇسىنىكتەمە بەردى.
«پوليتسيا كىسى ءولتىرۋ فاكتىسى بويىنشا قىلمىستىق ءىس قوزعادى. وقيعانىڭ بارلىق ءمان-جايىن انىقتاۋ ماقساتىندا جەدەل-ىزدەستىرۋ شارالارى جۇرگىزىلىپ جاتىر. كۇدىكتى ۇستالىپ, ۋاقىتشا ۇستاۋ يزولياتورىنا قامالدى», دەپ حابارلادى ۆەدومستۆودان.
