سول سەبەپتى «شانحاي+» سامميتىنە قاتىسۋ, ديالوگ الاڭىندا كوتەرىلەتىن ۇسىنىستاردى تىڭداپ, ورىنداۋ اسا ماڭىزدى. ءبىزدىڭ ەلدىڭ باسشىسى دا سامميتكە باقىلاۋشى مەملەكەت رەتىندە قاتىسىپ جاتىر. ءبىر اي بۇرىن پرەزيدەنتىمىز رەجەپ تايپ ەردوعان شىۇ-مەن ىنتىماقتاستىقتى ارتتىرۋعا نيەت بىلدىرگەن ەدى. سەبەبى بۇل ەلىمىزدىڭ مۇددەسى ءۇشىن ماڭىزدى. ساراپشىلاردىڭ پايىمىنشا, جيىندا ستراتەگيالىق ماسەلەلەرگە نازار اۋدارىلدى.
جالپى, ۇيىم وتىرىسى الەمدىك دەڭگەيدەگى ماسەلەلەردىڭ سوڭعى, وڭ شەشىمىن شىعارۋعا سەپتىگىن تيگىزە الادى دەپ بىلەمىن. مادەني-گۋمانيتارلىق سالاداعى ىنتىماقتاستىق, بىرلەسكەن جوبالار دا كوڭىل قۋانتادى. وسى ورايدا قازاقستان ورتالىق ازيانىڭ حالىقارالىق ساياساتىندا وتە سالماقتى ءرول وينايدى. الەمدە دۇربەلەڭ كوبەيىپ, كەلەڭسىز وقيعالار ۋشىعىپ تۇرعاندا قازاقستان تاتۋلىق پەن بەيبىتشىلىككە تالماي ۇندەپ كەلەدى. پرەزيدەنت ق.توقاەۆتىڭ ماڭىزدى ۇسىنىستارى دا ىشكى ىنتىماق, سىرتقى ىقپالداستىق ماسەلەلەرىنە ارنالعان.
قالاي دەگەندە دە, قانداي دا ەلدىڭ كوركەيىپ, اجارلانا تۇسۋىندە, قالىپتى دامۋىندا تۇراقتىلىقتىڭ ماڭىزى زور. سەبەبى مەملەكەت مەرەيى مەن ەكونوميكانىڭ قارىشتاپ دامۋى باسقا ەلدەرمەن ءتيىمدى قارىم-قاتىناستى ارتتىرىپ, تىعىز ىنتىماقتاستىق ورناتۋعا دا بايلانىستى. الەمدە ەشبىر ەل جەكە-دارا جاھاندىق ماسەلەلەردى شەشۋگە قاۋقارسىز.
ايشە سۋبەركەر,
«ترت World» ءتىلشىسى
(تۇركيا)
