فوتو:mangystautv.kz
Mangystautv حابارلاۋىنشا شەتەلدىكتەر بالانى 10 ايلىق كەزىندە اسىراپ العان. بالا ول كەزدە بالالار ۇيىندە تاربيەلەنگەن. كەيبىر اقپاراتتارعا سۇيەنسەك, تۋعان اناسى بوسانعاننان كەيىنگى كۇيزەلىسكە بايلانىستى ۇلىنا تولىق كوڭىل بولە الماعاندىقتان تاستاپ كەتكەن.
ء«بىز بالا كەزىنەن باستاپ جاندوسقا ونى اسىراپ العانىمىزدى ايتتىق. تورونتودا ول ارقاشان ءوزىنىڭ تاريحي وتانداستارىمەن بايلانىستا بولدى. بىردە دوستارى وعان تۋعان اناسىن تابۋعا كەڭەس بەردى, ءبىز دە بۇل يدەيانى قولدادىق», دەيدى اسىراپ العان اناسى شاناس مۇحاممەد.
«شەتەلدەگى قازاق بالالارى» جوباسى رايان جاندوسقا تۋىستارىن تابۋعا كومەكتەسكەن. ەندى, مىنە, ول 17 جىلدان كەيىن ءوز ەلىنە ورالىپ, تۋعان اناسىمەن كەزدەسىپ وتىر.
«مەنىڭ انام مەنى تاستاپ كەتسە دە, وعان دەگەن ەشقانداي رەنىشىم جوق. كەرىسىنشە, مەن وعان جاقسىلىق تىلەيمىن. مەن ونى كىنالامايمىن, تاعدىر سولاي بولعانى دا. ەگەر مەنى كاناداعا اپارماسا, ءبارى قالاي بولاتىنىن كىم بىلەدى. مۇمكىن مەن ءوزىمدى دالەلدەي الماس ەدىم. مەن ەشتەڭەگە وكىنبەيمىن. مەنى تەك انام عانا ەمەس, باسقا قازاقستاندىقتار دا جىلى قارسى الدى. مەن مۇنى بۇكىل حالىقتىڭ قوناقجايلىعى دەپ سانايمىن», دەدى رايان جاندوس.
ەسكە سالا كەتەيىك, بۇعان دەيىن بەلگيالىق وتباسى اسىراپ العان جانىبەكتىڭ اناسىن تابۋعا قازاقستان حالقىنان كومەك سۇراعانىن حابارلاعان بولاتىنبىز.
