كولىكتەردىڭ باسىم بولىگى پاترۋلدىك پوليتسياعا بەرىلەدى. تاسجولدا قىزمەت ەتەتىن ءتارتىپ ساقشىلارى جول تالعامايتىن كولىكتەر الدى. ءوڭىر باسشىسى قوعامدى تارتىپكە قىراعىلىق تانىتاتىن قۇقىق قورعاۋ ورگاندارىنا قولداۋ جالعاساتىنىن جەتكىزدى.
– سىزدەردىڭ قىزمەتتەرىڭىز جەدەل جانە جايلى بولۋى ءۇشىن قولىمىزدان كەلگەننىڭ ءبارىن جاساۋعا دايىنبىز. سوندىقتان قۇقىق قورعاۋ ورگاندارىنىڭ ءتيىمدى جۇمىسىندا ماتەريالدىق-تەحنيكالىق بازانى نىعايتۋ ەرەكشە ماڭىزدى. بيىل قۇقىق قورعاۋ ورگاندارىنىڭ قاجەتتىلىكتەرىنە وبلىستىق بيۋدجەتتەن 22,8 ملرد تەڭگە ءبولىندى, ونىڭ ىشىندە ءبىر ميللياردتان استامى ماتەريالدىق-تەحنيكالىق جابدىقتى جاقسارتۋعا باعىتتالادى, – دەدى وبلىس اكىمى ەرماعانبەت قابدۋلا ۇلى.
ءوز كەزەگىندە وبلىستىڭ پوليتسيا دەپارتامەنتىنىڭ باسشىسى نىعمەت يسماعۇلوۆ ۇلكەن قولداۋعا العىسىن ءبىلدىردى.
– ماتەريالدىق-تەحنيكالىق بازانى جاڭارتۋ وبلىستاعى جەدەل جاعدايدى جاقسارتۋمەن تىكەلەي بايلانىستى. وڭىردەگى جاعداي تۇراقتى, قىلمىستىڭ الدىن الۋ بويىنشا اۋقىمدى جۇمىستار جۇرگىزىلىپ جاتىر. قوعامدىق ءتارتىپتى ساقتاۋ, تۇرعىنداردىڭ قاۋىپسىزدىگىن قامتاماسىز ەتۋ ءۇشىن الدا دا قولىمىزدان كەلگەننىڭ ءبارىن جاسايمىز, – دەدى پوليتسيا دەپارتامەنتىنىڭ باسشىسى.
اۆتوپارك جىل سايىن جاڭارىپ وتىرادى. پوليتسيا دەپارتامەنتى باسشىسىنىڭ ورىنباسارى نۇريددين داۋىلباەۆ قىزمەتتىك كولىك قاجەتتىلىگى 85 پايىزعا قامتاماسىز ەتىلگەنىن ايتادى. 100 ارنايى كولىك قالادا جانە تراسسادا قىزمەت ەتەتىن پاترۋلدىك پوليتسياعا بەرىلدى. ەندى جاڭا كولىكتەردىڭ ارقاسىندا قىستا قار قۇرساۋىندا قالىپ قويعان ادامداردى قۇتقارۋ جۇمىستارى جەڭىلدەيدى. ال جاڭا ميكرواۆتوبۋستار تەرگەۋ-جەدەل توپتىڭ وقيعا ورنىنا شىعۋى ءۇشىن كەزەكشى بولىمدەرگە بەرىلدى. ول ءوز كەزەگىندە موبيلدىلىكتى ارتتىرادى. كولىكتىڭ بارلىعى دەرلىك ستاندارتتارعا ساي, بايلانىس جانە بەينە قۇرىلعىلارمەن, باسقا دا قاجەتتى قۇرال-جابدىقتارمەن جابدىقتالعان.
سالتاناتتى ءىس-شارا سوڭىندا پوليتسيا قىزمەتكەرلەرى ماراپاتتالدى. قالا جانە اۋدانداردىڭ ۋچاسكەلىك پوليتسەيلەرىنە وبلىس اكىمىنىڭ قۇرمەت گراموتالارى تاپسىرىلدى.
قاراعاندى وبلىسى
