پرەزيدەنت قاسىم-جومارت توقاەۆ عىلىم مەن جوعارى ءبىلىم سالاسىن دامىتۋدىڭ 2029 جىلعا دەيىنگى تۇجىرىمداماسىن قابىلداپ, عىلىمدى دامىتۋدىڭ جاڭا ءتاسىلىن زاڭ جۇزىندە بەكىتىپ, مەملەكەتتىڭ عىلىمي-تەحنولوگيالىق جانە ەكونوميكالىق ساياساتىنىڭ ءوزارا بايلانىسىن كۇشەيتۋ قاجەتتىگىن عىلىم جانە تەحنولوگيالار جونىندەگى ۇلتتىق كەڭەستىڭ ءبىرىنشى وتىرىسىندا اتاپ وتكەن ەدى. ەندى «عىلىم جانە تەحنولوگيالىق ساياسات تۋرالى» زاڭعا قول قويدى. اتالعان زاڭ عىلىمي كادرلاردى دايارلاۋ, ولاردى الەۋمەتتىك قورعاۋ, اسىرەسە جاس عالىمداردى قولداۋ جۇيەسىن ەنگىزۋ, عىلىمدى باسقارۋ قۇرىلىمىن جەتىلدىرۋ جانە عىلىم قورىنىڭ ماڭىزىن كۇشەيتۋ سياقتى وزەكتى ماسەلەلەردى شەشۋگە باعىتتالعان. دانا ءال-فارابي ءوز زامانىندا: ء«بىلىم جولىنا تۇسكەن جان كۇندەلىكتى كۇيبەڭ تىرشىلىكتى ويلاماۋى قاجەت» دەپ, عالىمدى ءاۋ باستان الەۋمەتتىك جاعىنان قولداۋ قاجەتتىگىن العا تارتقان ەكەن. بۇل ماسەلە قازىرگى كەزدە دە وزەكتىلىگىن جوعالتا قويعان جوق.
«عىلىم جانە تەحنولوگيالىق ساياسات تۋرالى» زاڭ عىلىم سالاسىندا ەڭبەك ەتىپ جۇرگەن عالىمداردى قۋانتىپ, ءبىر سەرپىلتىپ تاستاعانى انىق. عىلىمي دارەجەسى بار قىزمەتكەرلەردىڭ عىلىمي قىزمەتىن ىنتالاندىرۋ ءۇشىن اي سايىن ۇستەمەاقى بەلگىلەۋ, جەتەكشى عالىمدارعا شىعارماشىلىق دەمالىس بەرۋ سەكىلدى تالاپتار عىلىمي ناتيجەلەردىڭ ساپالى ماقالالار مەن مونوگرافيالار تۇرىندە باسىلىپ, ءبىلىم الۋشىلار مەن جاس ىزدەنۋشىلەردىڭ عىلىمعا كەلۋىنە سەبەپشى بولارى ءسوزسىز. سياسى كەپپەگەن «عىلىم جانە تەحنولوگيالىق ساياسات تۋرالى» زاڭ عىلىمنىڭ دامۋىنا مۇرىندىق بولىپ, ەلىمىزدىڭ باسەكەگە قابىلەتتىلىگىن ارتتىرىپ, عىلىمي-تەحنيكالىق جانە يننوۆاتسيالىق جەتىستىك ناتيجەسىنىڭ وتاندىق ءونىم تۇرىنە اۋىسىپ, سانى مەن ساپاسىن ارتتىرۋعا ىقپال ەتەدى دەپ سەنەمىز.
سانا قابدراحمانوۆا,
ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ قاۋىمداستىرىلعان پروفەسسورى, تەحنيكا عىلىمدارىنىڭ كانديداتى
